LlGC Llsgr. 3035 (Mostyn 116) – tudalen 179r
Brut y Tywysogion
179r
saỽc o deheubarth a|e ỻuoed y·gyt ac ỽynt am ben casteỻ
rudlan yn tegeigyl ac eisted ỽrthaỽ tri|mis a orugant. a
gỽedy hẏnẏ cael y casteỻ a|e torri a|e losgi a|chasteỻ araỻ y+
gyt ac ef yr molyant y gymry yn hyfrẏt vudugaỽl paỽb
y|ỽ gỽlat. Y vlỽydyn rac·ỽyneb y ỻas gỽrgeneu abat a|ỻaỽ+
den y|nei y gan kynan ac ywein. Y vlỽydyn racỽyneb y
rydhaỽyt robert ap ystefẏn o garchar yr arglỽyd rẏs
y gyueiỻt ac y duc diermit vab murdarth ef hyt yn
Jwerdon gyt ac ef ac y|r tir y doethant y lỽch garmon.
ac eniỻ y casteỻ a|wnaethant. Y vlỽẏdẏn rac·ỽyneb y|ỻas
meuruc ap adam drỽy dỽyỻ yn|y gỽsc y gan varedud ben+
goch y gefynderỽ. Yn diwed y vlỽydẏn hono Mis tachwed
y bu varỽ ywein gỽyned vab gruffud ap kynan tywyssaỽc
gỽyned gỽr diruaỽr y volyant ac an·veidraỽl y brudder
a|e voned a|e gedernit a|e deỽred y kẏmrẏ. wedy aneirẏff
vudugolaetheu heb omed neb eiryoet o|r arch a geissei
wedy kymrẏt penyt a|chyffes ac eidiuarỽch a|chymyn
rinwedeu corff crist ac oleỽ ac aghen. ~ ~
D eg|mlyned a|thrugeint a chant a|mil. oed. oet. crist pan
ladaỽd dauid ap ywein howel ap ywein y braỽt hy+
naf idaỽ. Y vlỽydẏn rac·ỽyneb y ỻas tomas arches+
gob gỽr maỽr y grefyd a|e santeidrỽyd a|e gyfyaỽnder
o*|e gygor ac annoc henri vrenhin ỻoeger. Y|pymhet dyd
gỽedy duỽ nadolyc gyr bron aỻaỽr y drindaỽt yn|y gapel
e|hun yg|keint a|e escobaỽl wisc ymdanaỽ a delỽ y groc y+
n|y laỽ y ỻas a|chledyfeu ar diwed y offeren. Yn|y vlỽy+
dyn hono y|mordỽyaỽd rickert jarỻ stristig vab gilbert
bỽa cadarn. a|chadarn varchaỽc·lu gyt ac ef y Jwerdon. ac
| « p 178v | p 179v » |