LlGC Llsgr. 3035 (Mostyn 116) – tudalen 81v
Brut y Brenhinoedd
81v
a|thi a geffy lyyn y·dan y dayar a|hỽnnỽ ny at y|r gỽeith sefyỻ
A gỽedy gỽneuthur y clad a chaffel y|ỻyn. Yna y dywaỽt
Myrdin eilweith ỽrth y dewinẏon Dywedỽch tỽyỻwyr
bratwyr kelwydaỽc beth yssyd y·dan y ỻyn. Ac yna te+
wi a|wnaethant Megys kyt bydynt mut Ac yna y|dywat
myrdin. Arglỽyd heb ef par di dispydu y|ỻyn hỽn drỽy
frydyeu A|thi a wely deu vaen geu yn|y waelaỽt. Ac
yn|y deu vaen dỽy dreic yn kysgu. A chredu a|wnaeth
y brenhin idaỽ. a|pheri dispydu y|ỻyn. kan dywedassei wir
am y|ỻyn kyn|no hẏnẏ Ac am pop peth o hyny enryfe+
du doethineb Myrdin a|wnaei ef. Paỽb hefyt o|r a|oed
y·gyt ac ef yn credu bot dỽywaỽl gyfoeth a doethineb
a gỽybot yndaỽ ~
P An yttoed gỽrtheyrn gỽrtheneu yn eisted ar lan
y|ỻyn echtywenedic. y kyfodassant dỽy dreic oho+
naỽ o|r rei yd oed vn gỽyn ac araỻ coch. A gỽedẏ
dynessau pop vn y|ỽ gilyd o·nadunt. dechreu girat ym+
lad a wnaethant a|chreu tan oc eu hanadyl. Ac yna
gỽrthlad y dreic coch a|e chymeỻ hyt ar eithafoed y|ỻyn
a doluryaỽ a oruc hitheu a|ỻityaỽ yn vaỽr a|chymeỻ
y|dreic wen drachefyn Ac val yd oed y dreigeu yn ymlad
yn|y wed hono yd erchis y brenhin y vyrdin dywedut
beth a arỽykaei* hyny. Sef a oruc ynteu yn|y ỻe gỽehen+
nu y ysprẏt gan ỽylaỽ a dywedut Gỽae hi y dreic coch
kanys y habaỻ yssyd yn bryssyaỽ y gogofeu hi a achub
y dreic wen yr hon a arỽydockaa y|saeson. a ohodeist y|r
ynys hon. Y dreic coch a arỽydoctaa* kenedyl y brytan+
yeit yr hon a gywarsegir y|gan y dreic wen. ỽrth hynny
y|mynyded a|westeteir val y|glynoed Ac a·vonoed y
glynneu a redant o|waet. Diwyỻ y crefyd a|dileir a|chỽ+
| « p 81r | p 82r » |