LlGC Llsgr. Peniarth 11 – tudalen 198ar
Ystoriau Saint Greal
198ar
ac os tydi a ffaelya yni ny wdam beth a|wnaỽn. Ac ef a
dywetpỽyt yni mae tydi oed y marchaỽc goreu o|r byt. ac ̷
y geissyaỽ dy nerth di y deuthum i y lys arthur. ac y duỽ
heb hi tosturya ỽrthyf. Ac arthur a|dylyassei dy wediaỽ
di drossof|i. ac ef a ym·ysgaelussaỽd. A|vnbennes heb·y
paredur. ef a|wnaeth arthur ytt gymeint ac na ffaely+
aỽd o|th amot. kanys ef a|anuones y deu vilỽr oreu o|e
lys y|m keissyaỽ i. ac o|gaỻaf inneu lauryaỽ mi a|wnaf
ual y bo bodlaỽn duỽ ac ynteu heuyt ymi.
L lawen vu gan yr vnbennes glybot y marchaỽc yn
kennattau y nerth udunt. Ny wydyat eissyoes pa+
nyỽ y braỽt hi oed ef. a|phei as gỽypei yna y dỽblei y
ỻewenyd. Paredur eissyoes a|wydyat panyỽ hi oed y chwa+
er ef. yna ef a|gymhorthes y vorỽyn o vynet ar y march.
A marchogaeth y·gyt a|orugant dalym. arglỽyd heb yr
vnbennes ef a|vyd reit ymi uynet heno vy hun y|r ỻe a|el ̷+
wir y|kyfle periglus. A vnbennes heb ef y ba|ryỽ beth. ar+
glỽyd heb hi gouvnet a|wneuthum ar ryỽ veudỽy sante+
id. a|dywaỽt ym na eỻir vyth goruot ar y gỽr yssyd yn ry+
uelu arnam. ony bei gael peth o|r kyvyrlit yssyd ar yr aỻaỽr
yn|y ỻe hỽnnỽ. A|r|brethyn hỽnnỽ yssyd santeid iaỽn kanys
yngkylch iessu grist y bu pan roet yn yr ysgrin. ac ny dicha+
ỽn neb vynet y|r capel hỽnnỽ ar y eil vyth. ac am|hynny y
byd reit y mi vy hun vynet yno. ac y duỽ yr ỽyf yn erchi
vy amdiffyn rac drỽc. a thitheu arglỽyd a ey parth a chas+
teỻ camalot yn|y ỻe y mae vy mam i yn aros dy dyuotyat
ti a|th nerth. a delit yn dy gof arglỽyd yn nerthau ni ual y
| « p 197v | p 198av » |