LlGC Llsgr. Peniarth 11 – tudalen 54r
Ystoriau Saint Greal
54r
ac o|r diwed efo a|delit o gedernyt ac a|e dugassant y|r fforest.
Ac yna ỽynt a|dywedassant laỽnslot heb ỽy. ni a|wnaetham
gymeint a|th wneuthur di yn|garcharaỽr. ac o|r mynny di dy
oỻỽng reit vyd ytt wneuthur yn ewyỻys ni. Arglỽydi heb
ynteu hyt y bo kyvyaỽn mi a|e gỽnaf. ac ar hynny roi y gret
ac ymeith y kerdaỽd ef. a|e gadaỽ ỽynteu yn|y fforest. A|gỽedy
peỻau y|ỽrthunt ef a|vedylyaỽd na bu vỽyn y digonassei y|dyd
hỽnnỽ. ac a|dywaỽt na buassei eiryoet myỽn brỽydyr heb
uarnu idaỽ y vudugolyaeth a|r glot namyn y|dyd hỽnnỽ. ac
ygyt a|hynny na delit eiryoet hyt yna. a|doluryaỽ yn|vaỽr a|ỽ+
naeth yn|y vedỽl. a|dywedut bot arnaỽ o bechodeu mỽy noc ar
neb. kanys y bechodeu a|duc y ganthaỽ y olỽc. a|chedernyt y
gorff. A|phrofadỽy yỽ ry goỻi o·honaf|i vyng|golỽc heb ef. am
na eỻeis edrych ar seint greal pan|doeth attaf. ac o gedernyt
vyng|korff profadỽy heuyt yỽ. kanys ny|m blinwyt eirmoet
o ymlad megys y|m|blinỽyt hediỽ ỻe ny bei mỽy o|dylwyth.
namyn o|r diwed mi a|barỽn udunt ffo yn orchyvygedic. Ac
yn|y medylyeu doluryus hynny y marchockaỽd ef yny doeth
nos arnaỽ ody|vyỽn glynn maỽr dỽfyn. a|disgynnv yno a|oruc
ar vedyr ỻettyv. a|thynnu y gyfrỽy ody|ar y varch a|e ffrỽyn o|e
benn a|e oỻỽng y bori. a|chysgu a|oruc ynteu ar y glassweỻt.
kanys blin a|ỻudedic oed. A gỽedy kysgu o·honaỽ ef a|welit
vot yn|dyuot y ỽrth y nef tu ac attaỽ gỽr da. yr hỽnn a|dywa+
ỽt ỽrthaỽ. Tydi wr tlaỽt o gret paham mor haỽd gennyt ti
troi dy vedỽl tu a|th elyn marỽaỽl. ac onyt ymogely yn|da ef
a|th vỽrỽ yn|dyvynder uffern. A phan gigleu laỽnslot hynny
| « p 53v | p 54v » |