LlGC Llsgr. Peniarth 15 – tudalen 101

gantvnt amdanam nynhev A|phann gymeront ev corfforoed a|dyvot pawb y+

gyt yna y kymerant ev kẏfvlaw* lewenyd Discipulus Pa vn yw tẏ dvw a|r

presswylvaethev* llawer. Magister. Ty dvw yw gwelet dvw dat holl·gyvoethawc Ac

yn|y gwelet hwnnw ẏ llywennẏcha ẏ|seint megẏs ẏ|mywn tẏ y|presswẏlvaev

a|r kẏfvannhedev yw amravaelon lwẏthev. A|thaleu dros y gobrwyev a|wybẏd

yr eneitev yr hẏnn a|wneler yma. Yr eneitev kyfvẏawn a|wẏbydant pob peth

o|r a|wnneler yr rei ẏssẏd ẏn|ẏ pvrdan nẏ|s gwdant onnẏ|s menẏc engẏlẏ+

on nev y seint vdvnt a|rei yntev yssyd yn vffern nẏt mwy y|gwdant

beth ẏssẏd yma noc y|gwdam nynhev beth a|wnneler yno megys ẏ|bv

gẏnt am|ẏ proffwydi Rei ohonvnt a|wybvant lawer o bethev ar nẏ wẏbv ereill

velle ymplith y|rei drwc y|mae rei a|wdant wẏ pob peth a|hẏnnẏ a|venegir v+

dvnt yn dwẏwawl nev a|venyc dẏnẏon a|vo marw vdvnt ac a|delont yno

Discipulus A|allant wẏ ym·dangos pan ẏ|mẏnnont nev y|r neb ẏ|mynnont nac

yn gwylẏas* y|bont nac yn kyscv. Magister. Y|rei ẏssẏd ẏn|ẏ pvrdan nẏt ẏmdangos+

sant onnẏ|s kennẏatta engylẏon vdvnt y|geissaw ẏ|rẏthhav nev y|venegi eu

llewenẏd o|e ketẏmdeithon am y|rẏdit Y rei yssyd yn vffern nẏ aallant wy ym+

dangos weithev nac yn hvn nac yn dieithẏr hvn nyt wynt·wẏ vydant

Namẏn dievẏl ẏn|ẏ Rith ac wẏnt a|rithẏant y|gosged engẏlẏon da y|dwẏllaw

dẏnẏon os wyntev a|damweinha ẏmdangos ohonvnt yn wir o|obrwẏ sant

vẏd hẏnnẏ megẏs yd ymdangosses eneit y lleidẏr y|vartin yn|ẏ lle y distrywa+

wd yr allawr nev yr dẏsc megẏs ẏd ymdangosses yr eneit y seint benet yn

rith agkyngyl a|phenn a|lloscwrnn assen idaw a|e ganawl yn arth ac yn dywe+

dvt vot ẏn|ẏ lvsgaw nos a|dẏd ar draws lleoed a|drẏswch ac yn|y diwed y llyn+

gkit yg|krochan vfern Discipulus Ym pa fvrẏf yd ymdangossant wy. Magister. Yn fu+

rẏf dẏn gann gẏmerẏt corff o|r awẏr Discipulus o ba le ẏ|daw brevdwydon. y daw

weithev y|gann dvw pann vannacker peth a|del Rac llaw megẏs ẏ|menegis

y Josep drwy ysser a|r ysgynnev y bydei arglwẏd ar y|vrodẏr nev hevyt pan

dysger peth angkenreit megẏs y|dẏsgwyt y|Joseph arall fo y|r eifft a|r mab

iessev Rac herot gvrẏlon*. Gweithev ereill y|gan gythrevl pan wnneler peth

dybrẏt y|geissyaw llesteiryaw da megys y darlleir yn diodeiueint yr arglwẏd

val yd ymdangosses diewl y|wreic pilatvs y erchi idi na dienydit iessu

kannẏs ef a|wẏddẏat y|collei ef y|vẏddyant o hẏnnẏ allan Gweithev ereill

y|gann dẏn e|hvn megẏs ẏd ymdengẏs ydaw drwẏ y|hvn yr hẏnn a|welo

nev a|glẏwlo* nev a|vẏdẏlyho odieithẏr y|hvn Discipulus.  Benndigedic vo

geir dvw a|venegis ymi y|sawl gẏfvrinnachev a   hynnẏ drwẏ dy enev

P ei beiddwnn. i. y|ofvẏn yr awr·honn mi a|vynnwn [ tithev.

glwet* amẏ yr antikrist. Magister. Yn llawen. yr antikrist y|mabilon vawr

a enir o|bvtein o|genedyl tan ac a|gẏfvlenwir o|gythrevlẏaeth ẏg|kroth