LlGC Llsgr. Peniarth 15 – tudalen 83

Ac yn lle y carchar wynt yma y|derbynnir wyntev y|bepẏllev tragẏ+

wyd a|thros y hammarth* wynt yma y kagaffant* wyntev gogonẏant

rac llaw a|llewenẏd dros ev heissev ẏma ny bẏd arnadvnt. na|newẏn na

sychet gwedẏ hẏnnẏ byth ac am ev govvt yma nẏ bẏd arnvnt na

dolvr na|chwẏnvann Ac vellẏ y|prouir bot y|rei gwiryon yn govoetha*+

wc ac yn wynnvẏdedic vyth a|rei ennwir ẏssẏd eissẏwedic a|thruein

Discipulus o|ba|le y|byd teilẏngdawt. Magister. Y|gann dvw y|mae bop teilyngdawt a

phob meddẏant na drwc na da voent odẏna ẏ|dẏwedir Nyt oes ve+

ddyant onnẏt y|gan dvw Ef a|venẏckaa vchot paham y|keiff yr rei

drwc veddyant weithev a|rei da weithev ereill. Discipulus. Beth a|vernnẏ

di y|r nev* a|wertho nev a brẏnno teilyngdawt. Magister. Y neb a|e pryno ef

a|a ẏgyt a|symon magvs yg|kẏfvẏrgoll vffernnawl ac a|e gwertho ef a|daw

klafvri ar y eneit y·gyt a|gyev Discipulus A vyd mwẏ gann dvw gobrwy y

breladyeit noc y ereill. ˄Magister. Y rei a|vo ragor anvnt* o deilyngdawt eglwyssic yma

megys esgyp nev offeireit os wynt a|dysgant y|bopyl o|eir ac angkeifft*

y|geniver eneit a|Jather* drwydvnt wy y|geniver gobrwy a|gaffant wyn+

tev yn ragor ereill. Megẏs y|dẏwedir ef argẏnnwyssit wy y|meddẏant

yr holl|da os wyntev a|tynn geir Jechẏt y|gann y|rei yssẏd ydan ev me+

ddẏant Ac a|e tywyssawd wynt y|ogof anghev drwy angkreifftyev dẏbryt

wynt a|gaffant ẏ|gẏniver poen ẏn ẏ |ragor* rac ereill yg|kẏveir y|gẏniver

eneit a|gollet oc ev angkreifftyev nev a|wellẏgẏassant o|e hyachav gann

bregethv vdvnt. odẏna y|dywedir mwẏ a|holir y|r neb mwyhaf o|r a|orchy+

mynner idaw ac eilweith y|dywedir Y kedeyrnn a|odefvant poenev yn

gadarnn y pechadvrẏeit bẏdawl megẏs y|brenhined a|r brawdwyr o|barnnant

yn gyfẏawn a|thraethv gweinyeit yn drwgarawc* mwẏ vẏd eu gobrwẏ

wyntev noc ereill gan dvw y|gwr ẏssẏd gẏfvyawnn wravdwr kannẏs

a|wassannatho yn da tal a|geiff os wyntev a|vyddant angkẏfvyawnn

a|gostwng ẏ bobyl drwẏ grevlonder mwy vyd ev poynnev noc ereill

kannys kalettaf y|bernnir ar y pennadvryeit A|barnn heb drvgared

a uẏd ar y|neb nẏ wnnel tragared* . Discipulus. Paham y|godef yr etholedigẏonn

wrthwynnebed y|byt hwnn ẏgẏt a|rei drwc a|e bot ẏn|ẏ plith Magister Am

ymdreidyaw y|mwẏn* pethev bydawl Ac am hẏnnẏ y|poenir wẏnt o|r

avlonẏdwch y|bẏt a|dvw hollgẏvoethawc val y|dywedẏt Ef a|wnnaeth

pob peth o|r a|vynnawd a|r eil·weith y|dẏwedir Na|ellẏ pob peth o|r a

vynnych. Discipulus. Paham y|dywedir amdanaw yntev vot y|rẏw pethev

ny dichawnn ef ev gwnnevthvr megẏs dẏwedvt kelwyd. nev wn+

nevthvr yr hẏn ny mynnawd y|wnnevthvr gynt. Magister. Nẏ·t|an·allv

hwnnw namẏn gorvchel allv kanyt oes neb ryw greadvr a|allo y drossi ef