LlGC Llsgr. Peniarth 190 – tudalen 120
Ystoria Lucidar
120
y corff neu y da a|wnaethant yrdaỽ. Ac eissoes
ny wediant ỽy dim o·nyt a|ganhatto duỽ
udunt. a phei gỽediynt yn amgen ouer
uydei udunt. discipulus A yttynt ỽy yn eu kyfla+
ỽn lewenyd. Magister|Nac yttynt namyn megys
dynyon a|wahodit y wled ỽynt a vydant
lawen pan delont am eu herbyn. ac am
eu kedymdeithon a ynt yn|trigyaỽ goualus
uydant. Pan|delont ỽy hagen ygyt y byd
mỽy eu ỻewenyd. veỻy y mae eneideu y se+
int yr aỽrhonn yn ỻaỽenhau yn|y gogony+
ant. ac yn hir ganthunt amdanam nu*+
neu. a phan gymeront ỽy eu corfforoed a
dyuot paỽb ygyt. yna y kymerant ỽy eu
kyflaỽn lewenyd. discipulus Pa|vn yỽ ty duỽ a|r
pressỽyluaeu ỻawer. Magister Ty duỽ yỽ gỽelet
duỽ dat hoỻgyuoethaỽc. ac yn|y gỽelet
hỽnnỽ y ỻewynnycha y seint. megys y
myỽn ty y pressỽyluaeu a|r kyuanhedeu
yỽ o amryuaelon lỽytheu a thaleu dros
eu gobrỽyeu. discipulus A wybyd yr eneideu yr|hynn
a|wneler yman. Magister Yr|eneideu kyfyaỽn a
| « p 119 | p 121 » |