LlGC Llsgr. Peniarth 190 – tudalen 227
Penityas
227
dyaỻus. ac yny kymero o hoenynneu
y diawl. a|dywetet ỽrth ˄y penytywr ony|s
atwaen. O ba le yd hanwyt ti. a pha le
y|th vagỽyt. a pha le y trigyeist. a|chyt
a|pha gedymdeithyon. ac o ba urdas
neu pa broffes. a gỽybot yny allo ef
wedy hynny ystyryeit ystyryeit o ba
betheu y dylyo amovyn ac ef. neu
amser araỻ o|e gyffes pan rangho bod
idaỽ. Ef a|dichaỽn amovyn ac ef. o|r
petheu hynn. a|r offeiryat a|dyly y dyscu
ef yr meint vo y arglỽydiaeth y geniuer
gỽeith y kyffesso eisted ar draet yr offei+
ryat. ac os gỽreic vyd dysget idi eisted
ar draỽs y draet. ac nac edrychet yn|y
hỽyneb. Kanys abacuc broffỽyt a|dyw+
eit. Eu drych ỽy gỽynt a|losgei. a se+
int Jeron a dyweit. Argywedus gene+
dyl yỽ gwreic. Pan dynessao y pe+
nytywr y dyuot y gyffessu. ef a|dyly
orwed yn vvyd geyr bronn yr offeiryat
| « p 226 | p 228 » |