LlGC Llsgr. Peniarth 190 – tudalen 60
Ystoria Lucidar
60
rac eu|digrifhau y|myỽn petheu drỽc. ac y
dileu o|r gỽneynt beth yn erbyn duỽ. ac o+
ny|s gỽnelynt y gaffel tal gan duỽ dros eu
hanhuned* yman. discipulus Paham yng|gỽrthỽyneb
y hynny y byd kyuoethaỽc y rei da a chadarn
a Jachus. a|r rei drỽc yn dlodyon ac yn wan
ac yn|heinus. Magister Y rei o|r etholedigyon y rodir
goludoed udunt. y aỻu cỽplau oc eu da eu
gỽeithredoed da a|vynnynt y wneuthur. ac
y dangos udunt. os esmỽyth yma y|da am+
seraỽl. mae esmỽythach o lawer yỽ y|da tragy+
wydaỽl. Kadarn vydant yn gyntaf o|e|hacha+
ỽs e|hunein y aỻu cỽplau yr hynn a|vynnont
ac a vedylyont. a|r eil peth o achaỽs yr ethole+
digyon y aỻu rodi amdiffyn udunt ar|da. a|r
trydyd peth o achaỽs y rei drỽc y aỻu eu gos ̷+
tỽng rac gỽneuthur o·honunt kymeint
ac a vynnont. Jach vydant. rac tristau y
rei gỽirion oc eu clefyt. ac y eu ỻawenhau oc
eu hyechyt. Yng|gỽrthỽyneb y hynny ryỽ
rei drỽc a boenir yman o eisseu a thraỻaỽt.
| « p 59 | p 61 » |