LlGC Llsgr. Peniarth 33 – tudalen 117
Llyfr Blegywryd
117
a|r neb a|e kaffo ẏ|chwarthaỽr blaen
a geiff os hỽch coet vẏd os llỽdẏn a ̷+
raỻ. ẏ|wharthaỽr ol a geiff os bỽẏs+
tuil anhẏẏs ẏ|gic vẏd; perchenn ẏ
tir a|dẏrẏ keinnaỽc drostaỽ ẏ|r neb
a|e caffo Y|lle ẏ|gossotter kỽn ẏ|erẏl.
ẏ|kẏntaff ohonunt a|gẏmero iỽrch
neu gadno. neu ẏsgauarnaỽc. ef
a|e|berchen bieuuẏd Gwerth llost+
lẏdan; ẏỽ wheugeint Gwerth
bileu* ẏỽ; pedeir ar|hugeint. ~ ~ ~ ~
O r ỻedir ki; neu o|r dẏgir le+
trat camlỽrỽ a|telir drostaỽ
Dros gi kẏndeiraỽc. na|thros drỽc
a|wnel nẏ|diwgir* dim. Llỽ vn dẏn
ẏ|diwat ki ẏssẏd gỽbẏl Gwerth
keneu geỻgi brenhin kẏn agori
ẏ|ligeit; pedeir ar|hugeint. ~ Ẏn ̷+
n|ẏ gorwẏn*. vẏth a|deugeint. Ẏ ̷+
nn|ẏ gẏnỻỽst. vn ar|bẏmthec a
phetwarugeint. Ẏnn|ẏ ouer he+
lẏ; whugeint a tal. Pan vo kẏu+
rỽẏs; Punt a|tal. Sef a|tal mil+
gi brenhin o|r dechreu hẏt ẏ|diwet.
| « p 116 | p 118 » |