LlGC Llsgr. Peniarth 35 – tudalen 11v
Llyfr Cynog
11v
Os trỽy uenffic y myn y holi. yr haỽlỽr
a dyly dangos amot y tir hỽnnỽ o|e dyly+
et ef a|e dyuot idaỽ yn rif a| rann gan ygyt
a| chael o·nadunt hỽynteu tu a| thal y gan+
taỽ ef dros y tir hỽnnỽ a bot idaỽ a wyr
o tyston adỽyn y|r·y|uot idaỽ mỽynant
a medyant ar y tir blỽydyn a| blỽynyd+
ed ac na doeth y g·antaỽ nac o rod nac
o prit neu o werth nac o ymhaỽl yn
dadleu namyn o uenffic a chynys pob
benffic a dyly dyuot yn gystal ac yd a+
eth yr nep a|e benffyg·yaỽd. Iaỽn yỽ dy+
uot hỽnnỽ ac o geill yr haỽlỽr proui
hynny Ef a dyly cael y tir. Odyna holet yr
amdiffynỽr y tir os myn Ony eill yr haỽlỽr
proui hynny yr amdiffynỽr bieu cadỽ y
tir Canys keitwat yỽ neu wercheitwat.
TRi pheth yssyd uỽy no kyfreith. un yỽ Gwir
prit ar tir yn lle galler y proui ac ny
all mynet yn| y erbyn. Ac arglỽyd yn erlit
gwironed y rỽg y deu ỽr. A hir deuaỽt yg*
a uo yg gỽlat yn lle kyfreith. Ac yn|y tri lle
ny dyly ygnat barnu Cany henynt o kyfreith.
ac na dyly ynteu barnu onyt kyfreith. Gỽlat
ac arglỽyd hagen a| dyly barnu yma. ~ ~ ~
| « p 11r | p 12r » |