LlGC Llsgr. Peniarth 35 – tudalen 44r
Llyfr Iorwerth
44r
amser bynhac y del o|e ouyn. Ac Ony
byd ereill ar y tir gwedy eu hesgynnu
yn priodoryon dylyu cỽbyl o·honaỽ o|r
a edewis. Ac o byd ereill yn priodory+
on yn| y erbyn. dylyu kyfreith. kehyded y ryg+
tunt a chyfran Cany dyly priodaỽr
ragor rac y gilyd. Os y naỽuet dyn
a| daỽ y ouyn tir. Diffodedic y priodolder
a hỽnnỽ a dyt diaspat am y uot yn
mynet o priodaỽr yn ampriodaỽr. Ac
yna y gwerendeu y kyfreith. y diaspat hon+
no ac y| ry kynnỽys idaỽ. Sef yỽ hyn+
ny. kymeint ac un o|r kyuriuedi y
bỽynt ar y tir yn eiste yn| y erbyn. A
honno a| elwir uỽch aduan. A chet do+
tter y diaspat o hynny allan ny weren+
dewir byth. Ac ereill a| dyweit na dyly
y naỽuet dyn dodi y diaspat honno na+
myn y uynet o priodaỽr yn amprioda+
ỽr. Ny dylyir gwarandaỽ yr un
o|r teir haỽl hyn yn amser caeth. kyfreith. am
tir a| dayar. Sef yỽ y rei hynny. haỽl priodol+
der. A haỽl dadanhud a haỽl ymỽrthryn
Herwyd gwyr gỽyned. Ny dyly gỽreic
| « p 43v | p 44v » |