LlGC Llsgr. Peniarth 36A – tudalen 24r
Llyfr Blegywryd
24r
yỽ teir bu heb achwanec. Gỽerth alltut
breyr; hanheraỽc vyd ar alltut brenhin
ae sarhaet velly. Gỽerth alltut bilaen;
hanherwerth alltut breyr. ae sarhaet
velly. Brenhin a geiff trayan pob gala ̷+
nas or a gymello lle ny allo kenedyl
gymell. ac a gaffer o da or pryt y gilyd yr
llofrud. y brenhin bieu. Punt a hanher
yỽ gỽerth kaeth tra mor. ac os or ynys
hon yd henuyd. punt yỽ y werth. ac velly
or byd anafus neu ry hen neu ry ieuanc
nyt amgen llei noc vgein mlỽyd. punt
heuyt a| tal. A deudec keinhaỽc yn| y sarha+
et. whech dros teir llath o vrethyn gỽyn
y wneuthur peis idaỽ. a their dros y laỽ ̷+
dyr. A cheinhaỽc y guaraneu ae dyrnuo ̷+
leu. vn dros ỽdyf neu uỽell os coetỽr
vyd vn dros raff deudec kyfelinaỽc.
Teir gỽeith y drycheiff ar sarhaet gỽr
a ymreer y wreic y treis neu a dyccer
y ỽrthaỽ. Y neb a dywetto ar arall sarhau y gorff
os gỽatta hỽnnỽ; gỽadet ar y lỽ e hunan
heb achwanec. Ot enwa gỽaet kyny wnelher
| « p 23v | p 24v » |