LlGC Llsgr. Peniarth 36A – tudalen 33r
Llyfr Blegywryd
33r
Os datanhud karr a vernhir y dyn a dy ̷+
uot a charr yr tir. gorffowys a geiff yno
naỽ diwarnaỽt. ac yn| y naỽuetdyd y dy ̷+
ry atteb. ac yn yr eil naỽuetdyd barn.
Os trỽy datanhud gyt a beich kefyn y
doeth yr tir a gynhelis y tat gynt hyt
varỽ tri dieu a their| nos y keiff gorffowys.
ac yn| y trydyd dyd y dyry atteb. ac yn| y
naỽuetdyd barn. Py diỽ bynhac y barn+
her datanhud. ny dichaỽn neb o gyfre ̷+
ith y ỽrthlad o·honaỽ onyt etiued prio ̷+
daỽr ar datanhud herwyd y oet vyd.
Sef yỽ hỽnnỽ yr hynaf. kany dichaỽn
yr eil datanhud gỽrthlad y kyntaf. ac
ny dichaỽn vn ampriodaỽr gỽrthlad am ̷+
priodaỽr arall. ac or byd amrysson rỽg
deu etiued gydrychaỽl. ny dichaỽn vn
gỽrthlad y gilyd o| gyfreith. Or deu etiued
gyfreithaỽl. vn a uyd priodaỽr ar dat+
anhud cỽbyl ar llall a vyd ampriodaỽr
kanyt priaỽt datanhud o gỽbyl y neb
namyn yr braỽt hynaf or brodyr oll.
| « p 32v | p 33v » |