LlGC Llsgr. Peniarth 38 – tudalen 27r
Llyfr Blegywryd
27r
llog; y brenhin bieiuyd P·ỽy bynhac a torro not
ar ffin rỽg deu|tir neu dỽy|dref. talet gamlỽrỽ y|r b+
renhin. a|phedeir keinhaỽc. kyfreith. y|r perchen. a|gỽ+
naet y|not mal y bu. Os afon a vyd not rỽg tired
deudyn. a|dygỽydaỽ derỽen ar traỽs yr afon. per+
chen y|tir y|tyfho y|pren arnaỽ bieifyd y pren. Y
neb a|ardho prif fford neu ffos ar ffin; talhet ỽh+
eugeint y|r brenhin. G·ỽahardadỽy vyd y coet
am y ffrỽytheu o|r pymhetyd kyn gỽyl vihagel;
hyt y|pymthecuetyd gỽedy yr ystỽyll. ac o|r moch
a gaffer yn|y coet; lladher y decuet llỽdyn hyt
ar naỽ. ac odyna lladher pop vn pan gaffer
hyt y diỽethaf. O r moch a|gaffer yn llygru yt
aeduet. talher gỽerth yr yt a lygrỽyt drostunt.
P·an gaffer moch y|myỽn gỽeirglaỽd neu y
myỽn yt kyn|y vot yn aeduet. os ymchoelut
y tir a|ỽnant; talher pedeir keinhaỽc. kyfreith. dro+
stunt nac vn a vo na llaỽer yghyt o achaỽs ago+
ri y dayar. ac velly am pop tir a|ỽahardher rac+
dunt os agorant. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
| « p 26v | p 27v » |