LlGC Llsgr. Peniarth 38 – tudalen 33r
Llyfr Blegywryd
33r
ny|thal y kyntaf dim kyt llosco yr odyn Odyn bi ̷+
ben brenhin; ỽheugeint a|tal. Odyn biben breyr;
trugeint a|tal. Odyn biben eillt brenhin; dec ar|hu+
geint a tal. Odyn biben eillt breyr; pedeir ar hug+
eint. Pop odyn ny|bo odyn biben. trayan y|gỽerth
O |r kymer gỽr ỽreic o|rod kenedyl. [ a|dygỽyd.
ac os gat kyn pen y|seith mlyned; talet idi
teir|punt yn|y hegỽedi os merch breyr vyd. a|ph+
unt a|haner yn|y choỽyll. a|ỽheugeint yn|y hamobyr.
Os merch tayoc vyd; punt a|haner yn|y hegỽedi.
a ỽheugeint yn|y choỽyll. a phedeir ar|hugeint yn
y gobyr. Os gỽedy y seith mlyned y gat; bit ran de+
u|haner y·rydunt onyt breint a|dyry ragor y|r gỽr.
deuparth y plant y|r gỽr yr hynaf a|r ieuhaf. a|r
trayan y|r vam. Os agheu a|e gỽahan; bit ran de ̷+
u haner y·rydunt o pop peth. S·arhaet gỽreic|ỽr+
yaỽc; herỽyd breint y gỽr y telir idi. nyt amgen
y gỽr rodher idaỽ. Gỽr a dichaỽn yn ryd gadu
y|ỽreic o|r gỽna hitheu yr gỽr arall yn honheit. ac
ny|cheiff hi dim o|e iaỽn eithyr y tri|pheth ny|dygir
| « p 32v | p 33v » |