LlGC Llsgr. Peniarth 38 – tudalen 33v
Llyfr Blegywryd
33v
gỽreic. a|r gorderch a|tal y sarhaet y|r gỽr kyfre+
ithaỽl. O r dyỽeit gỽreic eir kyỽilydyus ỽrth
y gỽr. talet idaỽ teir bu camlỽrỽ. kanys y har ̷+
glỽyd yỽ. neu traỽet hi a gỽyalen kyhyt a gup ̷+
yt tri dyrnaỽt yn|y lle y|mynho eithyr y|phen.
O|r maed gỽr y|ỽreic heb achaỽs; talet idi y sa+
rhaet herỽyd y breint. O r edeu gỽreic ỽely y
gỽr heb achaỽs; talet idaỽ teir bu camlỽrỽ kyn
y chymryt idaỽ trachefyn. O|r yscar gỽr a|e ỽreic
gyfreithaỽl a hi yn veichaỽc. o|r dyd y hyscarhont
y kyfrifir idi y hamser y vagu yr etifed a|vo
yndi yna. kanys herỽyd y gyfreith hon; blỽy ̷+
dyn a|haner y mac y vam ef. ac odyna nys mac
y vam ef dim. Os tỽyll·vorỽyn a geffir heb
ỽat. y chrys a|trychir tu rocdi a|thra|e|chefyn. ac
odyna y gỽr a|dyry enderic idi. gỽedy iraỽ y|los+
cỽrn. ac o|r dichaỽn hi y atal herỽyd y loscỽrn;
kymeret yn|y hegỽedi O|r lledir gỽr gỽreicaỽc
y sarhaet a|telir yn gyntaf. ac odyna y|ỽerth.
trayan y sarhaet a|geiff y|ỽreic. O r a merch
| « p 33r | p 34r » |