LlGC Llsgr. Peniarth 38 – tudalen 45v
Llyfr Blegywryd
45v
o|r byd hyys y gic; y ỽharthaỽr ol a|geffir. Os llỽdyn
anhyys vyd; perchennaỽc y tir a|dyry keinhaỽc
drostaỽ o|r myn ynteu y croen. Y lle y gossotter
cỽn yn|erhyl; y kyntaf a|gymero iỽrch. neu gat+
no. neu yscafarnaỽc; y berchennaỽc a|e keiff.
ỽerth* llostlydan; ỽheugeint. Croen beleu; pedeir
O |r lledir ki neu o|r dygir led +[ ar|hugeint.
rat; kamlỽrỽ a|telir drostaỽ. Dros gi kyn+
deiraỽc. na|thros y|drỽc a|ỽnel; ny diỽygir dim.
llỽ vn dyn yssyd digaỽn y|ỽadu ki. Gỽerth ke+
neu gellgi brenhin kyn agori y|lygeit; pedeir
ar|hugeint a|tal. yn|y groỽyn; ỽyth a deugeint. yn
y gynllỽst. vn ar|pymthec a|phetỽar vgeint. yn|y
ofer hela; ỽheugeint. pan vo kyfrỽys; punt a
tal. Sef a|tal milgi brenhin o|r dechreu hyt y|di+
ỽed. hanher kyfreith gellgi brenhin gogyfoet ac
ef. Y neb a|torho llygat gellgi brenhin. neu y
loscỽrn. talet pedeir keinhaỽc. kyfreith. yg|kyfeir ~
pop buch a|talho y ki. Vn anefeil a a o pedeir
keinhaỽc y punt yn vn dyd; gellgi. Os tayaỽc
bieiuyd; pedeir keinhaỽc a|tal. ac o|r rodir y|r bre ̷ ̷+
| « p 45r | p 46r » |