LlGC Llsgr. Peniarth 45 – tudalen 48
Brut y Brenhinoedd
48
grynedigyon gammeu hyt y lle yd oed
uran y mab a oed damunedic genti y we+
let. A noethi y dỽy uron trỽy dagreu;
Ac erchi idaỽ coffau panyỽ yn|y challon y
crewyt yn dyn o beth nyt oed dim. Ac er+
chi y charedic uab coffau y poen ar caỽssei
yn|y ymdỽyn naỽ mis yn|y challon. Ac er+
chi idaỽ madeu yỽ uraỽt y llit a oed gan+
taỽ ỽrthaỽ. Cany wnathoed ef defnyd
bar idaỽ ef Canyt beli a|e deholassei ef o ynys
prydein namyn y haghymendaỽt e hun.
pan duc brenhin llychlyn am pen y uraỽt
y geissaỽ y digyuoethi. Ac ar hynny Sef
a|wnaeth bran hedychu ac uuudhau yỽ
uam a bỽrỽ y arueu y ỽrthaỽ a dyuot at
y uraỽt. A phan welas Beli uran yn dyf+
ot trỽy arỽyd hedỽch. Diot y arueu a|or+
uc ynteu a|mynet dỽylaỽ mynỽgyl ell
deu a dyuot y deu lu y gyt a mynet hyt
AC ym pen yspeit we +[ yn llundein.
dy eu bot ygyt yn ynys. prydein. Oc eu
kyt gyghor yd aethant parth|a freinc. ~
A llu diruaỽr y ueint gantunt. A chet bei
trỽy lawer o ymladeu y kymellassant
holl tywyssogyon freinc y darestỽg udunt.
| « p 47 | p 49 » |