LlGC Llsgr. Peniarth 46 – tudalen 187
Brut y Brenhinoedd
187
yd oed da gann duỽ y|ỽneuthur onadunt.
a|phedeir brỽydyr a|uu rỽg gỽertheuyr
a|r saesson. ac ym·pob un y|goruu ef trỽy
nerth duỽ. ac ymlad kynntaf a|uu idaỽ
ac ỽynt a|uu ar auon derỽenyd. a|r eil a
uu ar ryt y piffort. ac yna y|kyuaruu
kynndeyrn uab gortheyrnn. a|hors bra+
ỽt. hengist. ac y|lladaỽd pob un y|gilyd o+
nadunt. y|trydyd ymlad a|uu ar lann y
mor. ac yna* y llogeu y|foes y|saesson. ac yd
aethant hyt yn ynys tanet. y|geissaỽ y*
ymgadỽ yndi. a gỽedy eu kylchynu o|ỽer+
theuyr a|e lu a|e blinhau mal na ellynt
y diodef. anuon a|ỽnaethant gortheyrn
oed ygyt ac ỽy ym·pob brỽydyr hyt at
ỽertheuyr y|uab y|erchi idaỽ kanhadu
vdunt mynet y|gỽlat yn ryd. a|thra
yttoedit yn kymryt kygor ymdanunt
Sef a|ỽnaethant kymryt y llogeu. ac
adaỽ y gỽraged a|e meibon. a|fo hyt
yn germania. a gỽedy cael o ỽertheuyr
| « p 186 | p 188 » |