LlGC Llsgr. Peniarth 46 – tudalen 82
Brut y Brenhinoedd
82
gantaỽ ynteu y|daly hỽy. ac y|llad ony
ỽrheynt y arthal y|uraỽt. ac rany. rac
ouyn y llad y|gỽrhayssant y arthal. ac
odyna y|doethant hyt yg|kaer euraỽc.
ac y|kymerth elidyr y goron y am y
benn e|hun. ac y dodes am benn y|uraỽt.
ac ỽrth hynny y gelỽit ynteu gỽedy
hynny. elidyr ỽar. Ac odyna y gỽle+
dychỽys arthal deg mlyned gan ym+
hoelut y|chỽedel yn|y ỽrthỽyneb. urdaỽ
y|dylyedogyon. ac estỽg y|rei andyly+
edaỽc. a gỽneuthur iaỽnder a|phaỽb.
a|phann uu uarỽ y cladỽyt yg|kaer lyr
yn anrydedus. Ac yna yr eilỽeith y|do+
eth Elidyr yn urenhin. ac ym·penn
yspeit ỽedy hynny y kyuodes oỽein.
a pheredur y deu uroder ieuhaf yn|y
erbyn. a gỽedy ymlad ac ef. daly a|ỽn+
naethant elidyr a|e dodi yn llundein
yg|karchar. a rannu y teyrnas|yry+
dunt. Sef ual y rannassant. lloygyr
| « p 81 | p 83 » |