LlGC Llsgr. Peniarth 9 – tudalen 33r
Ystoria Carolo Magno: Chronicl Turpin
33r
unt a urdỽys yn varchogyon yn enrydedus.
Ac a wahanassei o gyfyaỽnder y ỽrthaỽ kygwei+
nyeint caryat duỽ a ymchoelỽys ar y|getdym+
deithyas a chedymdeithyon. A gelynnyon pell
ac yn agos idaỽ a duc gantaỽ yr yspayn ac a gy+
merei y brenhin yn|y gedymdeithas ar hynt
honno. minheu turpin archescob o audurdaỽt
yr arglỽyd ac o|m|bendith inheu am ellygedi+
gaeth a rydhaỽn o bechodeu. Ac yna wedy kyn+
null pedeir mil ar dec ar ugeint a chant o varch+
ogyon ymlad cadarn heb ysweineit a phedyt
nyt oyd haỽd y riuaỽ a chyrchu a orugant yr
yspayn yn erbyn aigoland. A|llyma enweu y pe+
nadureit a aethant yno gyt ac euo. Minheu
tỽrpin archescop remys a ellygỽn y bobyl o deil+
ỽg dysgededigaetheu oc eu pechodeu ac a|y hanog+
ỽn y ymlad yn gadarn ỽraỽl. Ac yn vynych a ym+
ỽrthladỽn o|m dỽylaỽ am harueu vy hun ar sa+
racinneit. Rolond tywyssaỽc lluoed a iarll ceno+
man. Ac arglỽyd blyf nei charlys mab yr duc
milor y anger o berth chwaer charlys gỽr maỽr+
ydic. a maỽr y volyant. A phedeir mil o varchogy+
on aruaỽc gantaỽ. yd oed yna rolont arall ny
chrebỽyllir yma. Oliuer tywyssaỽc lluoed y mar+
chaỽc gỽychaf mab yr iarll reiner a|their mil
o varchogyon aruaỽc. Estultus iarll limoegin.
mab yr iarll odo. a|their mil o varchogyon arua+
ỽc. Arastagnus tywyssaỽc bryttayn a|seith mil
o varchogyon aruaỽc. Engeler duc angyỽ a phe*+
| « p 32v | p 33v » |