Rhydychen, Llsgr. Rawlinson B 467 – tudalen 31r
Meddyginiaethau
31r
glinyeu plastẏr o|r Rut a chỽrỽ ẏf a|mel
y|halen a|e|gỽerẏt. Rac brath ki kẏndeir+
oc heuẏt ẏ|mae da ẏ dodi ỽrthaỽ ne ẏr ei+
dral ac ẏmenẏn neu vel a|hat y|funẏgẏl
dugẏn ẏr eidral a|r gỽyduit a|briỽer ẏn
froeneu a iach vẏd ẏ pen a|r ỻẏgeit. Rac
dolur bron morter·a ẏ greulẏs a|hen vlo+
nec a|dod ỽrthaỽ. Rac hỽyd a dolur tra ̷+
et ac ẏsceiren berỽ ỽreid ẏ greulẏs ven ̷+
digeit a|bỽrỽ ẏr vchaf ẏmeith y mortera
ẏ kanol gẏt a|hen vlonec a|dot ẏn
ỽrthaỽ. Rac ỻẏgher ẏf sud ẏ plan+
tain mỽẏaf ar dẏ|gẏthlỽng a|dot heuẏt
ẏn blastẏr ar dẏ|uogel a|thrannoeth
ẏf y vilfoil mẏỽn ỻaeth neu ỽin ac y+
na ẏ deuan aỻan. Rac hỽẏd a briỽ gỽ+
na blastẏr o sugyn kreulon a|r plantain
| « p 30v | p 31v » |