Llsgr. Amwythig 11 – tudalen 93
Ystoria Adda
93
ỽẏ yr ysprẏt glan mẏnet ẏ arabia ẏ vynyd tabar
a chymrẏt y teir gwẏalen a daroed ẏ voesses
ẏ plannu a|e dỽẏn gantaỽ ẏ gaersalem kanys
duỽ a ossodes hẏnny ẏr iechyt ẏ|r dynyon trỽ+
ẏ ẏ|teir gỽẏalen Ac ẏna ẏd aeth dauyd ẏ ar+
rabia ac ẏ doeth ẏno ẏ nauet dẏd vynyd taba+
r ac ẏno y kauas ẏ gỽẏal ac ẏn gẏt·neit ẏ tyn+
nỽys o|r dayar ẏna ẏ kyflenwis ẏ lle a|r holl n+
iuer o arogleu da val ẏd oed paỽb yn credu
ẏdunt yr amser hỽnnỽ ẏna ẏ gwnaeth Dau+
ẏd pob rẏỽ geluẏdyt o ganueu a llewenẏd
trỽẏ alỽ duỽ ac ar ẏ dẏuodẏat ẏ gaeru+
salem ẏ deuth paỽb ẏn|ẏ herbyn o amrẏỽ
gleiuon ac amrẏỽ glefẏdẏeu arnadunt a
thrỽẏ vn cussan a rodẏnt y|r gwẏal y ceff+
ynt iechyt ac hỽy a dẏwedẏnt o bẏt ẏ llef
ẏn vchel santeidrỽẏd a glendit a iechyt
ẏ|r dẏnẏon a|thrỽẏ hẏnẏ ẏ deallỽys Dauyd
ẏ harỽdocae ẏ teir gỽẏalen hẏnnẏ ẏ drin+
daỽt vendigedic ac ẏna y doeth ẏ garsal+
| « p 92 | digital image | p 94 » |