LlB Llsgr. Cotton Cleopatra A XIV – tudalen 74r
Llyfr Cyfnerth
74r
a chynogyn. o glybot corn y brenhin yn
mynet yn lluyd. Ac eil yỽ o haỽl ledrat. Try ̷+
dyd yỽ o haỽl treis. kanys aghen yn aghen
yỽ pop vn or holyon hyn. Mach a dyly dỽ ̷+
yn gauel gyt ar haỽlỽr hyt yn niogel. A
godef arnaỽ y gouit a| del. Ac ony wna y+
velly talet e| hunan. Dyn a| dyly kymryt
mach ar pop da. onyt da a| rotho y arglỽyd
idaỽ. Y neb a| uo mach dros dyn onys tal y
talaỽdyr yn oet dyd. oet pymthec niwar+
naỽt a geiff y mach yna os ar da marwaỽl
y byd mach. Ac onys tal y talaỽdyr yna.
oet dec niwarnaỽt ar| hugeint a geiff y
mach. Ac ony thal y talaỽdyr yna. oet deg
niwarnaỽt a deugeint a geiff y mach yna.
Os ar da bywaỽl y byd mach. Ac na thalho
y talaỽdyr yn oet dyd. Oet pymthec ni+
warnaỽt a geiff y mach. yna. Ac ony thal
y talaỽdyr yna oet deg niwarnaỽt a geiff
y mach yna. Ac ony thal y talaỽdyr yna.
oet pym niwarnaỽt a geiff yna y mach.
| « p 73v | p 74v » |