LlB Llsgr. Cotton Cleopatra A XIV – tudalen 81v
Llyfr Cyfnerth
81v
haet gỽr pan ymreher y wreic. Kyfreith
magu ulỽydyn. yỽ buỽch. a| mantell a
pheis a phenlliein. a dỽy eskit a charre ̷+
it or yt goreu a tyffo ar tir y gỽr a pha ̷+
dell troedaỽc. Guerth kerỽyn ued a
talher yr| brenhin wheugeint. Ar cỽyr
a| rennir mal hyn. Y trayan yr brenhin.
Ar eil trayan yr neb ae gunel. Ar tryded
yr neb ae rotho y med. Naỽ dyrnued yỽ
messur y gerỽyn ued pan uessurher
ar|ỽyr nyt amgen or cleis traỽ yr emyl
Croen ych neu uuỽch neu [ yma
garỽ neu ewic. neu dyuyrgi deu+
dec keinhaỽc a| tal pop vn. Croen llost ̷+
lydan hanher punt a| tal. Croen beleu
pedeir ar hugeint a| tal. Croen carlỽg
deudec keinhaỽc a| tal. O pop gỽydlỽdyn
a| lather ar tir dyn arall. perchennaỽc y
tir a| geiff y wharthaỽr ol nessaf yr llaỽr.
or byd hyys y gic. Peth bynhac a| dan ̷+
gosso y dofrethwyr yr tayogeu y delhỽ+
| « p 81r | p 82r » |