LlB Llsgr. Cotton Titus D IX – tudalen 4v
Llyfr Blegywryd
4v
yl arbennic. ef a lehaa ar|y asseu neb vn
bonhedic a|uo breint idaỽ o|etiuedyaeth ei+
sted ach|y|laỽ. kyghellaur ach|laỽ hỽnnỽ.
Guedy ynteu yr hebogyd. ac ar|y deheu y
neb a|vynno. ac odyna eistedent paub ac
ymbarchent mal y|mynnont. Y|troedauc
a eisted dan traet y|brenhin. a|r cannhỽy+
llyd rac y|vronn.
O |R pann safho y|distein yn|y neuad
a|dodi naud duỽ a|r honn y|brenh+
in a|r|vrenhines. a|r gỽyrda. ac eu
tagnef. ar|y llys a|r nyuer; a|torro y|tag+
nef honno; nyt oes ydaỽ naỽd yn vn lle.
kannys y|naỽd oll yn gyffredin yỽ|honno.
ac y ar|naỽd paub. naỽd y brenhin yn|ben ̷+
haf. ac vrth hynny nyt oes naỽd idaỽ
y gann vn ohonunt. nac y gan creireu.
nac y gann eglỽys. Ny digaun vn o|r sỽ+
ydogyonn llys rodi naud onny byd vn o+
honunt yn seuyll drostunt oll. a|dyỽetto
mae ef a|dyry naud drostunt oll y baup o|r
a|e keisso y|gantaỽ yn|yr eno y keisser. Naỽd
brenhines yỽ; dỽyn y|dyn y|rotho naỽd
| « p 4r | p 5r » |