LlB Llsgr. Cotton Titus D IX – tudalen 79v
Llyfr Blegywryd
79v
ant arnnei. pedeir keinnaỽc kyureith
a|tal pob vn o hynny. Keubal; pedeir ar
hugeint a|tal. Pal ac ystỽc helyc. a dys+
gyl lydan. a ridill. a|raff lỽyf. keinnaỽc
cotta a|tal pob vn o|hynny. Aradyr dỽy
geinnaỽc kyureith a|tal. HJrieu. a|phi+
stolỽynneu. keinnaỽc kyureith. Sỽch
dỽy geinnaỽc kyureith. Cỽlltỽr. pedeir
keinnaỽc kyureith. O|R torrir aradyr
yn|lletrat; neu y|treis. a gỽedy|hynny
y|talu. gyt a|gỽerth yr aradyr. aradỽy
tri dieu a|telir. aradỽy vn dyd. dỽy ge+
innaỽc kyureith a|tal y|gayaf. a|r|gỽa+
nhỽynn. KJst. wyth geinnaỽc kyurei+
th. Kerỽynn ystyllaỽt. pedeir keinna+
ỽc kyureith. Rỽyt hehogeu. pedeir ar
hugeint. Pennlỽydec. vn ar|bymthec.
Ballaỽec. deudec keinnaỽc. Hallegrỽ*+
yt; whecheinnaỽc. Corỽc. wyth gein+
naỽc kyureith. Kyfurỽy eur·galch.
pedeir ar|hugeint a|tal. Kyfurỽy lliỽ
y brenn. deudec keinnaỽc kyureith.
Torch milgi. brenhin; wyth geinnaỽc
kyureith. Torch milgi breyr; pedeir ke+
innaỽc. pedeir keinnaỽc kyureith.
Kynnllyvan. olhreat*. ỽyth geinnaỽc
| « p 79r | p 80r » |