LlB Llsgr. Cotton Titus D IX – tudalen 85v
Llyfr Blegywryd
85v
am|groessi y|tir. a|chamlỽrỽ ar|yr amdiffyn+
nỽr am na|bu ỽrth y groes. A Oes vn estr+
aỽn a|dylyho talu galanas gyt a|r|lloffr+
ud. a|charant heb y|talu. Oes. o|r deruyd
y dyn llad y|llall. a dygỽydaỽ galanas
arnaỽ. a meicheu arnei. a|chynn talu yr
alanas y|dỽyn o|e|vam y|tat arall. yna y
dyly y|genedyl y|bu ef ar|eu|breint talu
ygyt ac ef yr alanas honno. ac yna y
dyly estraun talu kymeint a|braỽt
neu geuenderỽ. A Oes a·gkyuarch a·defe+
dic ny dylyher y|diuỽyn. Oes. o|r deruyd
y|dyn bot da idaỽ ygyt ac arall. a|e treu+
laỽ ohonaỽ. heb groes. heb wahard.
ny dylyir arnaỽ na dirỽy na chamlỽrỽ.
namyn enill y|r dyn y da dracheuen. a|ll+
yna agkyuarch adefuedic ny|dylyir
dirỽy ymdanaỽ. A|Oes vn lle y|dylyir
diennydyaỽ dyn am|letrat a|gwarant idaỽ. oes.
o|r geilỽ dyn warant o offeirat. neu o gre+
uydỽr arall. a|bot hỽnnỽ yn baraỽt y
gymryt y lletrat o|e laỽ. ny dylyir y
rodi idaỽ. ac ynteu ac vrdeu arnaỽ.
a|llyna y|lle e|dylyir diennydyaỽ dyn
a gỽarant idaỽ. A|Oes vn lle y dyly
affeithỽr talu mỽy no|r llourud. Oes.
| « p 85r | p 86r » |