Llsgr. Caerdydd 1.362 (Hafod 1) – tudalen 15v
Brut y Brenhinoedd
15v
llenwei bryt margan o teruysc. A dywedut ỽrthaỽ
bot yn gewilyd ac ef y hyn gadu deu parth
y kyuoeth y cuen of ac ynteu yn uuhaf*. A chy+
nullaw llu a oruc margan. Ac anreithaỽ kyuo+
eth cuenda o tan chledyf. A dyuot a oruc cuenda
yn|y erbyn a|e erlit o le y le hyny doeth hyt yg
kymry. Ac ar uaes maỽr ymgyuaruot. Ac yna
y llas margan. Ac o|e enỽ ef y lle hỽnnỽ yr hyn+
ny hyt hediỽ. maes margan. Ac yno y mae ma+
nachlaỽc vargan yn aỽr. A gỽedy y uudugolya+
eth honno. y kymyrth cuenda holl lewodraeth ynys
prydein. Ac y gỽledychỽys yn tagnouedus teir
blyned ar dec ar hugeint. Ac yn yr amser hỽnnỽ yd
oed ysayas ac eseu yn proffwydaỽ yg kerusalem.
Ac yd adeilỽyt ruuein y gan deu vroder remus a
romulus. Yn yr vnuet dyd ar dec kyn kalan mei.
A Gỽedy marỽ cuenda. y doeth riwallaỽn y
vab ynteu yn vrenhin. Ac yn oes y gỽr hỽn+
nỽ y bu y glaỽ gỽaet. Ac y bu varỽ y dynyon
gan y kakỽn yn eu llad trỽy y glaỽ gỽaet. Ac
yn hol hỽnnỽ y doeth. gorỽst. Ac yn ol gorỽst y
doeth seissyll. Ac yn ol seissyll y doeth Jago vab
gorỽst y nei ynteu. Ac yn ol Jago y doeth kyn+
uarch vab seissyll. Ac yn ol kynuarch y doeth
goronỽ digu. Ac y hỽnnỽ y bu deu vab. porrex. a
feruex. A gỽedy marỽ eu tat y kyuodes teruysc
y·rydunt am y vrenhinhyaeth. A cheissaỽ o porrex
llad fferuex y vraỽt o vrat. A gỽedy gỽybot o fer+
uex hynny. ffo a oruc hyt yn ffreinc. a dyuot
| « p 15r | p 16r » |