Llsgr. Caerdydd 1.363 (Hafod 2) – tudalen 19v
Brut y Brenhinoedd
19v
reys y tros dy tat ty hyt tra wuhỽm y yn kynydỽ
tyr a dayar ydaỽ ef. kymryt alltvdes hedyw yn
wreyc yt ny ỽdost ty pa le pan henyw. a gỽrthot
vem merch ynheỽ. Etnebyd hagen nat prytỽer+
th yt hynny ac nat dy pryt hyt tra parhao ner+
th yn y breych dehev hvnn. yr hỽnn a ladaỽd y sa+
wl kewry ar traetheỽ ynys prydeyn. Ac evelly y o+
kyỽadaỽ yn vynych a dan treyglyav y deỽuynya+
ỽc wuyall. Ac yna eyssyoes yd aethant eỽ kytemdey+
thyon o pob parth yr·rygthỽnt y eỽ tagnheỽedỽ.
a chymell ar locrinỽs kymryt merch corynevs yn w+
reyc ydaỽ. Ac yna y kyscỽs locrinvs kan Gwendo+
leỽ merch corineỽs. Ac yr hynny eyssyoes ny lle+
yhaỽs karyat essyllt kanthaỽ namyn y gossot y
mevn dayar·ty o veỽn kaer lỽndeyn ac|annwyly+
eyt ydav en e chadv ac yn|y gwassanaethỽ ac yn y
dywallỽ o pob peth o|r a ỽey reyt ydy. a hynny yn
dyrgel. Ac yno y devey ynteỽ attey hy en kỽdyavc
Ac yỽelly y bv yn mynnychv attey trwy yspeyt seyth
mlyned hep wybot o nep eythyr y annwylyeyt e|h+
vn a oed yn y gwarchadv. namyn yn ryth aberthỽ
yn dyrgel yr dwyweỽ yd aey ef eno. Ac eno eyssyoes
beychogy a kaỽas essyllt a merch a wu ydy. ac|ysef
| « p 19r | p 20r » |