Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 63r
Ystoria Lucidar
63r
Ac wyntev a|uydant gyffelyb yr engylyonn.
A|llyna y|ryỽ uuander yỽ vn y|seint. O geder+
nyt y seint. kedernyt sampson a uydei wann+
der yno. kannys kynn gadarnnet vydant ac
y galleint ymchỽelu y|dayar a blaen eu|troet
peis mynnynt. Ac yn gynn|haỽsset vdunt wn+
neuthur hynny. a|phop peth. Ac edrych yr aỽr
honn. Ac nat amheuet neb gallu o|r engylyon
hynny. Ac wynteu a|uydant yna gyffelyb yr
engylyonn. A|llyna y|ryỽ gedernyt yỽ vn seint.
O rydit y seint. Rydit cesar augustus a|uy+
dei geithỽet gantunt ỽy. kannys ef a|allỽyt
daly hỽnnỽ a|e rỽymaỽ a|e gloffi. kymeint yỽ
ev rydit ỽy. Ac y gallant mynet drỽy bop peth.
Ac nat oes greadur a allo eu hattal. megys
na allaỽd y bed atal corff yr arglỽyd hyt na
chyuodei y vynyd. Ac na allỽyt y ludyas y
y*|myỽn ar drysseu yn gayat. A chynnhebic
vydant wyntev idaỽ ef. A llyna rydit y seint.
O ewyllys y seint. Drythyllỽch selyf a uydei
druein gantunt ỽy. Owi o|r eỽyllys a|gaffant
ỽy pann vo duỽ ffynnaỽn yr holl daoed yn
peri vdunt eu gỽaly. A|deu wynnvydediga+
eth yssyd. Vn yssyd lei ym|paradỽys. Ac arall
yssyd voe yn teyrnnas nef. A channy phrouas
| « p 62v | p 63v » |