Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 70r
Marwolaeth Mair
70r
y|myỽn llyuyr vrth hynny ych deissyf chỽi. Ni
a|anuonỽn yn yscriuennedic y|petheu a|glyỽ+
sam ni y gann Jeuan ebostol. pann yttoed
yn harglỽyd ni Jessu grist iachỽyaỽl. drỽy y
uuched yr holl seint. Ar holl vyt. wedy poy+
aỽ kethri yndaỽ yn diodef yn|y prenn. ef a|ar+
gannvv ger llaỽ y|groc ef y|vam. A Jeuan y
disgybyl yr hỽnn a garei ef. ac a|oed annỽy+
laf idaỽ o·nadunt oll kannys e hun a|oed wy+
ry o|e gorff. Ac yna y gorchymynnaỽd idaỽ
y|gyssegredic vam veir. yn|y mod hỽnn. llyma
dy vam di. Ac vrthi hitheu. llyma dy vab
ditheu. Ac o|hynny allann tra diodeuaỽd a
allduded y|byt hỽnn. ympryder Jeuan y|pres+
sỽylaỽd hi. A|phann aeth yr ebestyl ar hyt
y|byt y|bregethu y|trigyaỽd hitheu yn ty vn
o|e rieni ger llaỽ mynyd oliuet. Ar eil vlỽy+
dyn gỽedy ysgynnv o grist arglỽyd y oruchel+
der nef. Diỽarnnaỽt yd oed hi yn gyfulaỽn
o|e damunet ef. drechreu* wylyaỽ e|hun a oruc yn lle
dirgel yn|y ty. nachaf angel ger y|bronn
yn|dyuot. Ac yn kyuarch gỽell idi. Ac yn
dyỽedut val hynn. hann pych gỽell ven+
digedic veir y|gann yr ar glỽyd iessu grist.
A|llyma yt kagheu o|r palym a du+
| « p 69v | p 70v » |