Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 79r
Ymborth yr Enaid
79r
.A. Ac. o. dechreu a|diỽed. A llythyren teir·coglaỽc
yỽ. Ac a|arỽydocka teir person y|drindaỽt. Yn|y go+
gyl vchaf y|tat. yn|y gogyl issaf o|r tu deheu y|mab.
| . kannys ef a|gy+
ueiste ar deheu duỽ dat. Yn|y gogyl arall issaf o|r
tu assev yr yspryt glan. kannys ef yssyd yn kyni+
ret caryat annỽylserch yrỽg y|tat a|r mab.
.O. llythyren gronn yỽ heb dechreu a|heb diỽed
yndi. kannys ym|pob lle o|beth krỽnn y keir diỽed
a dechreu. Ac yr hynny nyt oes na diỽed na dechrev
arnaỽ. Ac am hynny diỽed a dechreu yỽ. yn|y chylch.
a|honno a|arỽydocka vndỽyỽolder y|teir personn
ysyd dechreu a|diỽed y pob peth kynn ny bo na de+
chreu na diỽed arnaỽ. A|llyna y kylch tri ac vn y+
syd pob peth. kannys ohonaỽ y|mae pob peth yn
dyuot. a|thrỽydaỽ ef y|daỽ pob peth ac yndaỽ y
tric pob peth megys y|dyỽet paỽl ebostol. kyffely+
brỽyd y|hynny a ellit y|gymryt ar gylch krỽnn
pedỽarkoglaỽc a ellit y ysgythru val hynn. nyt
amgen. gỽneuthur kylch krỽnn ar|ỽeith. O.
Ac yn|y kylch hỽnnỽ ysgythrv. A. yn trichoglaỽc. Ac
yn|y gogyl vchaf o|r. A. ysgythru duỽ dat. Yn|y go+
gyl issaf ar deheu ysgythru mab duỽ. Sef yỽ hỽn+
nỽ iessu grist. Yn|y gogyl arall o|r tu assev ysgythru
yr|yspryt glan ar ffuryf colomen yn gyfulaỽnn
| « p 78v | p 79v » |