Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 99v
Buchedd Dewi
99v
ef neges y|kennadeu. llyma yr atteb a|rodes ef.
nyt amgen. nyt af vi heb ef yno. ys|gỽell gennyf
ỽediaỽ duỽ yman. eỽchỽi heb ef yn tagneued duỽ
o|e garyat. Ar eilỽeith y|seint a|ỽhaỽdassant deỽi
sant. ac ynteu a|rodes yr|vn atteb a|rodes gynt.
a|rodes tryded ỽeith o|gyduundeb yr|holl seint yr
anuonet at deỽi yn gennadeu y|deu sant bennaf
a|oed yno. nyt amgen. Deynioel. a|dubricius. ar
nos honno dyuot y kennadeu at deỽi. A|deỽi a|dyỽ+
at vrth y|disgyblon. Vy meibon i gỽybydych chỽi
y|daỽ kennadeu yma avore. eỽch y|byscotta yr|mor
a|dygỽch yma heb ef dyfuỽr gloyỽ o|r ffynnaỽn.
ar kennadeu a|deuthant y|dyd y|dyỽat deỽi vrthv*
Ac ynteu a|baratoes vdunt hỽy eu kinyaỽ. dis+
gyblon dauid a|rodassant ar|y|bỽrd ger bronn y
seint. piscaỽt digoned a|dỽfyr o|r ffynnaỽn ar
dỽfyr aeth yn ỽin ar|hynt. a|dauyd a|dyỽat vrth+
unt. bỽytteỽch vrodyr yn llaỽen. ac yna y|dyỽat
y|deu sant vrthaỽ. ny|chemerỽn ni na|bỽyt na di+
aỽt heb ỽy. onnyt edeỽy ditheu dyuot ygyt
a|nynhev yr sened vaỽr anryued y|lle y|mae llu
ny ellir y|rifuaỽ y|th aros di. Vrth hynny heb·yr
hỽynt dabre ygyt a|ni yr duỽ. Ac yr bendith hyn+
ny o|seint. onny mynnv haedu y hemelltith.
heb deỽi yna. mi a|af heb ef yr caryat duỽ at y
| « p 99r | p 100r » |