Rhydychen, Llsgr. Coleg yr Iesu 57 – tudalen 299
Llyfr Blegywryd
299
vreint y dat yd|a. ac ỽrth hynny na|dyly kened+
yl y dat na|thalu na thynghu drostaỽ namyn
y deu·parth. ynteu e|hun a|dyly mynet o lau y
lau yny vo kỽbyl y reith dros draean y vam. O|deruyd.
bot aỻtut kenedylaỽc ef a|eỻir dodi reith arnaỽ
megys ar gymro. Sef yỽ aỻtut kenedylaỽc. dyn
y bo y rieni yng|kymry. yny ordiweder o·nadunt
brodyr a|cheuynderỽ a|chyferderỽ. a|chyfnyeint
a nyeint o baỽp o|r rei hynny. Sef achaỽs yỽ hyn ̷+
ny. ỽrth na|dylyant ỽy vynet y|r wlat yd hanffont
o|hynny aỻan. ac eu bot ỽynteu yn genedylaỽc.
ac nat oes un dyn kenedylaỽc ny dyly·er barnu
reith arnaỽ. a bot hynny o dynyon yn|digaỽn ke ̷+
nedyl. ac nat oes neb ny bo digaỽn kenedyl kys+
seuin. a phaỽp a|a yn|y diwed yn briodoryon ac yn ̷
genedylaỽc. o|r trigyant y|nghymry yny vont
bedwarecwyr. ỻyma y ỻeoed y dylyir tystolyaeth
ar aniueil. kyntaf yỽ onadunt. O|deruyd. y|dyn ỻad
ki dyn araỻ. a|r neb pieiffo y ki yn|dywedut y
vot yn vu·geilgi. ac araỻ yn|y amheu. Reit yỽ
| « p 298 | p 300 » |