LlGC Llsgr. Llanstephan 27 (Llyfr Coch Talgarth) – tudalen 119v
Efengyl Nicodemus
119v
gỽedy y attal o·honaf i kyhyt a hynny trỽy ymadraỽd y bende+
uigaeth ef. Yna yd attebaỽd sathan dywyssaỽc angeu idaỽ.
yr yr iessu hỽnnỽ pan gigleu sathan hynny. mi a|th tynghedaf
di drỽy vy nerthoed i na|dỽc di hỽnnỽ attaf|i. kanys pan gi+
glef|i ymadraỽd y ben·deuigaeth ef y cryneis oỻ o aryneic
ac ovyn. ac y crynassant vy hoỻ esgyrn y·gyt. ac yr hynny
ny aỻassam ni attal lazar. ac ymysgytweit a|oruc ynteu
ual eryr. a neidyaỽ gan ehedec y gennym. a|r adar a|oed
yn kynnal y corff marỽ yn|diannot a|e hatueraỽd idaỽ yn
vyỽ. Ac ỽrth hynny y gỽnn inneu bot y dyn a aỻaỽd hyn+
ny yn duỽ. kadarn yn ymlad. kyuoethaỽc yn ufuddaỽt.
Jachaỽr kenedyl dyn. Ac os efo a|dygy di yma attaf|i. paỽb
o|r yssyd yng|kreulonder carchar caeedic. ac yn rỽymedic
o rỽymeu y pechodeu a oỻỽng ef ac a|dỽc yn ryd hyt ar
vuched y dwyỽolyaeth ef. Gỽedy ymdidan paỽb o·nadunt
a|e gilyd o sathan ac uffern. yn|y wed honno. nachaf lef ys+
prydaỽl mal taran yn dywedut. agorỽch aỽch pyrth dywys+
sogyon. ac ymdyrchefỽch chỽitheu byrth tragywydaỽl. ac y
myỽn yd a brenhin y gogonyant. A|phan|gigleu uffern
hynny y dywaỽt ỽrth Sathan dywyssaỽc. Kilya y ỽrthyf
heb ef a dos aỻan o|m eisteduaeu. Os ymladwr kadarn
ỽyt ymlad a brenhin y gogonyant. edrych pa|delỽ y|dieng+
ych y ỽrthaỽ. Ac yna y bỽryaỽd uffern sathan aỻan o|e
eisteduaeu ef. Ac yna y dywaỽt uffern ỽrth y wassanaeth+
wyr ennwir ef. Keyỽch ych|pyrth creulaỽn euydaỽl. a
dodỽch barreu heyrn arnunt. a chynhelỽch yn gadarn
rac yn|keithiwaỽ y saỽl yd ym yn dala keithiwet. A|phan
| « p 119r | p 120r » |