LlGC Llsgr. Llanstephan 27 (Llyfr Coch Talgarth) – tudalen 16v
Ystoria Lucidar
16v
a|r ymgeinuaeu. ac ar y peiryanneu hynny y purhaa ef lestri
eu·reit y brenhin nefaỽl. Sef yỽ hynny yr etholedigyon. y rei
a atnewydhaa ef drỽy y purdan ar lun duỽ. y rei drỽc a boena
ynteu mal y poena y gelyn y ỻaỻ. ac ueỻy y gỽassanaetha
diaỽl y duỽ. discipulus Pa|delỽ y gỽassanaetha y aelodeu ef y|r rei e+
tholedigyon. Magister|Pan dyckont y|r deyrnas trỽy anhyed neu
wrthỽyneb. trỽy anhyed gan geissyaỽ eu bỽrỽ yng|kyfeily+
orn yn rith ỻes a hynny drỽy dwyỻ. ac yna y byd kadarn+
ach y rei da yn sefyỻ yn eu ffyd. Odyna trỽy ỽrthwynebed
gan dwyn y ganthunt yr hynn y maent yn|y garu yn|vỽy
no iaỽnder. a chan eu gostỽng hyt na|wnelont damunet
eu knaỽt o gỽbyl. ac ueỻy yd ant y nef drỽy odef gofit a
hynny y gan y rei drỽc. discipulus Paham y byd kyfoethaỽc y rei
drỽc yma a iach a chadarn. ac yng|gỽrthỽyneb y hynny
y rei da yn eissiwedic. a|r rei drỽc yn eu gostỽng a|heint a do+
lur yn eu govidyaỽ. Magister Y|r rei drỽc y byd amylder o achaỽs
yr etholedigyon. megys y tremyckont yr hynn a|welont y
rei gỽaethaf yn|blodeuaỽ onadunt yndaỽ. yn|gyntaf kyfoe+
thaỽc vydant megys y gaỻont o gyfyaỽn varn duỽ gỽrthlad
drỽy eu golut y drygeu y maent yn|y chwenychu. Yr eil yỽ
o|r gỽnant da. ỽynt a gaffant tal am·danaỽ. kanys y|r pe+
theu daearaỽl y gỽnant bop peth o|r a|wnelont. ac odyna
y kymerant yma eu kyfloc. Kadarn vydant yn gyntaf
oc eu hachaỽs e|hunein. megys y gaỻont gỽplau y dryc+
eu y maent yn eu karu. Yr eilweith o achaỽs y rei kamwed+
aỽc o|e hamdiffyn ỽynteu yn|y drỽc. Y trydyd achaỽs yỽ. y
gospi onadunt yr etholedigyon ac o|e hemendau o|e drycw ̷+
| « p 16r | p 17r » |