LlGC Llsgr. Llanstephan 27 (Llyfr Coch Talgarth) – tudalen 33r
Ymborth yr Enaid
33r
pob ryỽ·beth y mae. ac y·gyt ac ef y mae pechaỽt. kanys
un·ryỽ yỽ pechaỽt a|dim. ac am|hynny y koỻir y pecha+
duryeit trigyedigyon byth yn eu pechodeu gyt a|dim o
achaỽs ymadaỽ onadunt a|r|hynn yssyd bop peth. drỽy
dodi eu hynvytserch ar dim. ac ymgyssyỻtu ac ef. ac beỻ ̷+
ach megys y kyssyỻta yr ynuytserch amseraỽl·dim neu be+
chaỽt·dim y serchaỽl a|dim. veỻy y kyssyỻta annwylserch
tragywydaỽl beth y serchaỽl a|duỽ. yr|hỽnn yssyd bop ryỽ
beth yn dragywydaỽl. Ac ueỻy drỽy yr annwylserch garyat
hỽnnỽ a|del o wrychyon yr yspryt glan. yr hỽnn yssyd an+
nwylserch garyat y tat ar y mab. a|r mab ar y tat. y kyssyỻ+
tir creadur dyn a|e greaỽdyr duỽ hoỻ·gyuoethaỽc. Ac ueỻy
y teruyna yr eil rann o|r|ỻyvyr hỽnn. nyt amgenn noc o dwyỽ+
T Raether beỻach am y dryded rann. [ aỽl garyat.
nyt amgen. am|berlewycuaeu a marỽhuneu a del+
ont o|r dwywaỽl garyat hỽnn. ac o nawrad yr engylyon.
Gwedy yd aruerych o|r dywededigyon gampeu uchot drỽy
ochel y gỽydyeu. ac ymwrthot ac ỽynt. ac o|r syrthy yndunt
reit vyd ytt vedeginyaethu y bratheu drỽy|r medeginyae+
theu a|dywetpỽyt vry. Reit yỽ ytt ymrodi yn gỽbyl o gaỻon
ac eneit a medỽl y|r dywededic annỽylserch dwywaỽl gary+
at a|dywetpwyt vry. a chyt dylyych garu pob un o|r teir|person
yn gymeint a|e gilyd. a|r teir person y·gyt yn gymeint a ph+
ob un ar neiỻtu. a phob un ar neiỻ·tu yn gymeint a|r teir
ygyt. Eissyoes ˄o achaỽs kerennyd a chyfnessafrỽyd ac ad+
nabot dy gic a|th waet a|th gyffelyb. nes yỽ ytt ymdirioni a|r
mab noc a|r tat neu a|r yspryt glan. kanys efo a gymerth
| « p 32v | p 33v » |