LlGC Llsgr. Llanstephan 27 (Llyfr Coch Talgarth) – tudalen 65v
Buchedd Dewi
65v
a|e dylỽyth. a|dywedut. Y sant heb ỽy y buam ni yn|y wattw+
aru a|wnaeth hynn. Sef y kaỽssant ỽy yn eu kyngor gỽe+
diaỽ y sant a cheissyaỽ y vod ef a|e dylỽyth. Ac yna y rodes
boẏa yn dragyỽydaỽl hodnant y dewi. ac ymchoelut adref
a|oruc boya a|e dylỽyth y·gyt ac ef. A phan|doethant adref ỽ+
ynt a gaỽssant eu haniueilyeit yn vyỽ ac yn iach. Ac yna
y dywaỽt gỽreic boya ỽrth y ỻaỽ·vorynyon. Eỽch heb hi
hyt yr auon yssyd geyr·ỻaỽ y sant. a|diosglỽch aỽch diỻat
ac yn noeth dywedỽch ỽrthunt geireu anniweir kewilyd+
yus. Hoỻ disgyblon dewi a|vu anaỽd ganthunt diodef
y kewilyd hỽnnỽ. ac a|dywedassant ỽrth dewi. ffoỽn ni o+
dyma ymeith heb ỽy. ny aỻỽn ni diodef hynn. nac edrych
ar y gỽraged drỽc racko. ac yna y dywaỽt y sant. Ponyt
gỽeỻ ynni heb ef peri udunt ỽy adaỽ y ỻe hỽnn ynni. Ac y+
na dewi a|e disgyblon a|dyrwestassant y nos honno hyt tranno+
eth. Trannoeth y dywaỽt gỽreic boẏa ỽrth y ỻysuerch. Tydi
uorwyn heb hi kyuot ac aỽn yn dỽy y lynn alun y geissyaỽ
kneu. Heb y vorwyn ỽrth y ỻysuam. paraỽt ỽyf|i heb hi y
uynet. a cherdet a|wnaethant hyt yng|gỽaelaỽt y glynn.
A phan|doethant yno eisted a|oruc y ỻysuam. a dywedut
ỽrth y ỻysuerch. Dyro dy benn y|m harffet a mi a|e dihaedaf.
Sef a|oruc y uorỽyn da diweir rodi y phenn yn arffet y
ỻysuam. Sef a|oruc hitheu tynnu kyỻeỻ a ỻad penn y vo+
rỽyn da santes. ac yn|y gyueir y syrthyaỽd y gỽaet hi y|r
ỻaỽr yd ymdangosses ffynnaỽn. a ỻawer o|dynyon a|gaỽsant
iechyt a|gỽaret yno. a hyt hediỽ y gelỽir y ffynnaỽn honno
ffynnaỽn dunaỽt. kanys dunaỽt oed enỽ y vorỽyn. Yna
| « p 65r | p 66r » |