LlGC Llsgr. Llanstephan 4 – tudalen 13r
Chwedlau Odo
13r
yd oed hi yn ỻefein veỻy. a|r ỻygoden
a|dywaỽt. am|vy|mot ym perigyl o|m
bywyt ac na aỻaf ymrydhau heb nerth.
Ac yna y dywaỽt y cath. Beth a|roy di
ymi yr dy rydhau a|th tynnu odyna. a|r
ỻygoden a|dywaỽt. Beth bynnac a|er+
chych mi a|e|gỽnaf. O|r mynny di ymi
dy nerthu yr aỽr honn mi a vynnaf ytt
dyuot attaf pan yth alỽyf gyntaf. a|hynny
a|wnaf|i yn ỻawen heb y ỻygoden. ~
Moes dy gret ar hynny heb y cath. a|e
chret a roes y ỻygoden y gỽnaei a
vynnei. Ac yna y cath a estynnaỽd y
balyf ac a dynnaỽd y ỻygoden o|r
pỽỻ ac a|e goỻyngaỽd yn ryd y re+
dec racdi. A threigylgỽeith pan yttoed
y cath yn rodyaỽ a|diruaỽr newyn
arnaỽ dyuot cof a|wnaeth idaỽ y
ammot a|r ỻygoden. ac ar vrys dyuot
ỻe gỽydyat vot ỻochwes y ỻygoden
a|dywedut o|r tu maes o|e laỽn ỻef.
Y ỻygoden dyret ymma attaf y neges.
Pỽy ỽyt ti heb y ỻygoden. Y cath
ỽyf|i heb ynteu. Na deuaf y·rof i
a duỽ heb y ỻygoden. Paham heb y
cath pony rodeist|di dy gret ar dyuot
| « p 12v | p 13v » |