LlGC Llsgr. Llanstephan 4 – tudalen 26v
Buchedd Dewi
26v
a|r rei priaỽt a|r penytwyr. y gỽeisson
ieueingk a|r morynyon. Y meibyon a|r
merchet. a|r rei newyd eni ar eu bron+
neu yn|goỻỽng eu|dagreu. Beth a
draethaf|i o·nyt yr un kỽyn gan ba+
ỽp. Y brenhined yn kỽynaỽ eu braỽt.
Yr hyneif yn kỽynaỽ eu mab. Y mei+
byon yn kỽynaỽ eu tat. Duỽ sul y
canaỽd dewi offeren ac y pregethaỽd
y|r bobyl. a|e gyfryỽ kyn|noc ef ny
chlyỽspỽyt. a|gỽedy ef byth ny chlyw+
ir. Ny|s gỽeles dynyon eiryoet y saỽl
dynyon yn un ỻe. A gỽedy daruot y
bregeth a|r offeren y rodes dewi yn gy+
ffredin y vendith y baỽp o|r a|oed yna.
a gỽedy daruot idaỽ rodi y vendith
y baỽp y dywaỽt yr ymadraỽd hỽnn.
Arglỽydi vrodyr a|chwioryd bydỽch
lawen a|chedỽch aỽch fyd a|ch cret. a
gỽneỽch y petheu bychein a glywssa+
ỽch ac a|welsaỽch y gennyf|i. a minneu
a gerdaf y ford yd aeth yn tateu ni
idi. ac yn iach yỽch heb·y dewi. A phoet
grymus yỽch vot ar y|daear. ac byth
beỻach nyt ym·welỽn ni. Yna y clywit
gaỽr gyffredin yn kyuodi gan gỽyn+
| « p 26r | p 27r » |