LlGC Llsgr. 3035 (Mostyn 116) – tudalen 198r
Brut y Tywysogion
198r
escob keint. a|chardinal o rufein ac y dodet yn anrydedus
y|myỽn yscrin o gywreinweith eur ac aryant a mein gỽerth+
vaỽr yn eglỽẏs y drindaỽt yg|keint. Y|vlỽydẏn hono y gel+
wis. ỻywelyn. ap joruerth. attaỽ gan mỽyaf tywyssogyon kymry oỻ
a|chynuỻaỽ diruaỽr lu a oruc am ben flandrasswẏr ros
a|phen·uro am|torri o·nadunt yr hedỽch a|r gygreir a|wnath+
oed wyr ỻoegẏr y·rỽg y|saesson a|r kymry drỽy wneuthur
mynych gyrcheu ar y|kymry ac aflonydu arnunt. a|r
dyd kyntaf y kyrchaỽd gasteỻ arberth yr hỽn a a·deilassei
y|flandraswẏr wedy y|distryỽ o|r kymry kyn no hẏnẏ
a|chael y dreis a|wnaeth a|e varỽ* y|r ỻaỽr wedy ỻad rei o|r
casteỻwyr a ỻosgi ereiỻ a|charcharu ereiỻ. a|thranoeth
y|distryỽaỽd gasteỻ gỽis ac y ỻosges y dref. Y|trydyd dyd
y|doeth y haỽlford ac y ỻosges y dref oỻ hyt ym|porth y
casteỻ. ac veỻy y|kylchynaỽd ros a deu gledyf pump ni+
warnaỽt drỽy wneuthur diruaỽr aerua ar bobyl y|wlat
a|gỽedy gỽneuthur kygreir a|r|flandraswyr hyt galan
mei yd ymchoelaỽd drachefyn yn|ỻawen hyfrẏt. Y|vlỽy+
dyn rac·ỽyneb y|magỽyt teruysc yrỽg. ỻywelyn. ap joruerth. a gruffud
y vab o achaỽs cantref meironẏd a|darestygassei ruffud
idaỽ o achaỽs y sarhaedeu a wnathoed y cantref hỽnỽ
idaỽ. a|e|ỽyr a ỻityaỽc vu. lywelyn am hẏnẏ a chynuỻaỽ
ỻu a|chyrchu ỻe yd oed ruffud drỽy vygyth y dial yr
hynt hono arnaỽ ac ar y|wyr. ac arhos a|wnaeth gruffud
yn ehofyn dy·uodyat y dat wedy kyweiraỽ y vydinoed
a|e|lu. ac yna yd edrychaỽd doethon o pop tu meint
y|perigyl a oed yn dyuot. ac anoc a|wnaethant y ruffud
ymrodi ef a|e da yn ewyỻus y dat ac anoc heuyt a
| « p 197v | p 198v » |