LlGC Llsgr. 3035 (Mostyn 116) – tudalen 44r
Brut y Brenhinoedd
44r
vlỽydyn a gyrchassant parth a|rufein adan anreithaỽ
a ỽrthỽynepei vdunt heb drugared. ~ ~ ~ ~
A c yna yd oed gabius a|phorcenna yn amhero+
dron yn rufein. A gỽedy gỽelet o|r gỽyr hẏnẏ
na eỻynt ym·erbyneit a beli a bran dyuot
yn vuyd a|wnaethant y rodi darestygedigaeth vdunt
Ac vuydhau. Ac adaỽ teyrnget vdunt o rufein pop
blỽydẏn gan ganhat sened rufein. Yr gadu tagne+
ued vdunt a rodi gỽystlon a|chedernit ar gywir·deb
A gỽedy ymchoelut beli a|bran y ỽrth rufein a chyrchu
parth a|germania. ediuarhau a|wnaeth gỽyr rufein
gỽneuthur y dagneued na rodi y gỽystlon y·veỻy.
Sef a|wnaethant drỽy dỽyỻ ỻuydaỽ yn eu hol a|my+
net yn borth y|wyr germania. A|phan doeth y|ch·we+
dyl hỽnỽ ar veli a bran sef a wnaethant ỻidyaỽ yn
vuỽy no meint am ry|wneuthur ac ỽynt kyfryỽ
dỽyỻ a hỽnnỽ a medylyaỽ pa furu y geỻynt ymlad
a|r deulu a gỽyr rufein. Ac a gỽyr germania. Sef
y|kaỽssant yn eu kygor tri·gyaỽ beli a|r brytanyeit
gantaỽ y ymlad a germania ac eu darestỽg. A|my+
net bran a|r|freinc a bỽrgỽẏn gantaỽ y geissaỽ dial
eu tỽyỻ ar wyr rufein. A phan doeth diheurỽyd o
hyny ar y rufeineit. Sef a wnaethant hỽynteu brys+
syaỽ drachefyn y geissyaỽ rufein o vlaen bran. Ac
a·daỽ gỽyr germania. A gỽedy kaffel o veli y|chwedyl
hỽnnỽ sef a|wnaeth ynteu ef a|e lu y|nos honno eu
pẏdẏaỽ hỽynteu y|myỽn glyn dyrys a oed ar eu
ford. A|phan doeth gỽyr rufein tranoeth y|r glyn
hỽnỽ y gỽelynt y glyn yn echtywynu gan yr heul
yn disgleiraỽ ar arueu eu gelynyon. A chymraỽ
| « p 43v | p 44v » |