LlGC Llsgr. Peniarth 15 – tudalen 6
Marwolaeth Mair
6
ac ẏna ẏ|dywat peder wrthav ef kymer ẏ palẏm yssyd yn llaw Jevan
an|brawt ni a|dos y|r dinas a|thi a|welẏ dy bobyl di yn dall a dot
y|palym wrth ev llegeit a rei ac* |gretto ẏ dvw a geiff y|olwc a rei ny
chretto a|vydant veirv a|chwedẏ gwnevthvr o·honaw hẏnnẏ ẏ|kavas
llaỽer o|e bobẏl ẏn kwynaw ac yn dẏỽedvt Gỽae ni pan yn treỽyt
o|delli val y|popẏl o|ssonia a|phann glewyssant ymadrodyon tẏỽyssawc
yr offeireit yn datkanu ẏ|gỽyrthew y|credassant ac y|kawssant ev golwc
Pỽy|bynnac hagen o·honvnt a|barhaawd ẏn|y gamgret o|galedi ywynt
veirw yn|y delli ac odẏna y|dvc tẏỽrssawc* ẏr offereit ẏ palym dracheven
at yr ebystyl a|datkanu ỽdvnt pob peth o|r a|wnnaeth ac odyna yr arwe+
dawd yr ebystyl corff y|wynnvydedic veir wẏry hyt ẏ vynnỽent val
y|gorchymynnassei yr arglwẏd vdvnt Ac ẏn|y trydyd val am awr
echỽyd nachaf yr arglwẏd Jessv grist a|llvossogrwyd engylyonn ygẏt
ac ef yn dẏvot Ac ẏn|ẏ gressawv Ac yn dẏỽedvt wrthvnt tagneved
ywch Ac wẏntev gan y adoli ef a dywedassant diolwch y|tithev
dvw Titi dv|hvnan a|wneẏ pob peth o|r a|vo anreved ac yna y|dyỽat
yr arglwẏd wrthvnt kẏn vy anvon o|m tat ẏ|gwplav kysseger y
diodeiveint a|mi ettwa yn gorfforawl ẏgyt a chwi mi a edeweis
ẏwchwi ẏ devddec ẏbẏstyl pan eistedo mab dẏn yg|kadeir vrawdory+
aeth yd eistedewch chwithev ar|devdec kadeir ẏ varnv ar devdec|llỽyd*
yr Jsrael hon yntev a|etholes vẏn tat. i. o|vn o|lwẏthev ẏr Jsrael ẏ|r
gymrẏt knawt ohonei Ac am hẏnnẏ y|kyssegreis. i. hi yn emẏl ym
Ac yn dilwgẏr y|gwẏryndawt kyn escor a|chwedẏ escor A|llẏna hithev
wedẏ rẏ|gwplav ẏ dylẏet herwyd annyan Pa|beth bellach a|vynwch
chwi y|wnevthvr ohonaf|i amdanei hi Peder a|r ebystyl ereill a|dywe+
dassant idaw val hyn arglwyd Ti a|etholeist hon yn demel ẏt y|dvw nav a
phop peth o|r a|wnevthost kyno hyn ẏn berffeith Ac wrth hynny
arglwyd o gallei vot gẏrbron dẏ rybvchet ti a|th vedẏant ef a|welir
dy weisson di megys ẏ|gwledẏchvt ti ẏ|th ogonẏant Kẏfodi dy
nefawl vam ohonot yn vyw a|e dwyn y|r nef n |ẏ chorffolaeth Ac
yna y dywat yr arglwyd bit herwyd ych barn chwi Ac erchi y+
no a|orvc y|dwyn y gyssegredic veir y vynẏ Ac ar hynny y nef
y|mand oddis y beth Ac yno y|dywat yr arglwyd
ved veir vyg|ketymeithes a|m kyfnessaf klomen gorf+
wysva y gogonyant llester y|vvched temẏl nefaỽl kyvot y|vynyd
kanys megys na chytssynyeist di ac haalogrwẏd pechawt ny diodevy dythev
yn deilwg dy gorff yn|y bed. Ac yna y kyvodes y|gyssegredic veir
o|r bed a dygwydaw ar dal y devlin y adoli y draet yr arglwyd a dechrev
| « p 5 | p 7 » |