LlGC Llsgr. Peniarth 16 rhan i – tudalen 10v
Deuddeg Pwnc y Gredo
10v
y varnu y rei biỽ a rei meirỽ. ac y dỽc y rei da gantaỽ
yn|nef y gymryt gogonet a|llewenyd tragywydaỽl a
rei drỽc a|fuỽrw* ym|poeneu uffern heb drang heb|orf+
fen. E|pym pỽnc diwethaf a berthynant ar yr yspryt
glan. kyntaf yỽ o·nadunt. Credo in spiritum sanctum
Sef yỽ hynny. Mi a gredaf yny* yr yspryt glan. a|r pỽ+
nc hỽnnỽ a|ossodes bartholomeus ebostol. Er eil yỽ o+
nadunt. Sanctamque ecclesiam catholicam. A|r pỽnc hỽnỽ
a ossodes Matheus ebostol. Sef yỽ pwyll y geireu hynny.
Mi|a|gredaf yn yr eglwys lan cathlic. ar gyffredin. E|try+
dyd pỽnc yỽ. Sanctorum communionem remissionem peccatorum
A|r pỽnc hỽnỽ a wnaeth symon ebostol. Sef yỽ pỽyll y
geireu hynny. Mi a|gredaf keffredinolder y seint. A ma+
deueint y pechodeu. Sef yỽ hynny. kyffredinolder y seint
bot paỽb yn nef yn gytrannaỽc ar ogonet y gilid. E
petwyryd pỽnc yỽ. Carnis resurrectionnem. Sef yỽ pwyll
hynny. Mi a gredaf kyuodi y meirỽ pop ỽn yn|y briaỽt
gnaỽt kyno dydbraỽt y gymryt o bob ỽn o·nadunt y
gan duỽ megys y gobrynwys a|ffwy|bynac a ystyryei
hyn mal|yd oed yaỽn. ny ffechei yn ỽarwaỽl. a hyny
a|dyweit y proffỽyt. Coffa di dy diwed yn wastat ac
ny ffechy vyth yn ỽarwaỽl. ac wrth hynny gwae dir+
yeit ac ofyn duỽ yn|y gallon a|at y dwyllaỽ y|ddidan+
wch bydaỽl amharaus. ac a ery y|dyd maỽr kyflaỽn|o
ỽar duỽ. yr|ỽn y llysc y mynydded. Ac yd ellygir y defnyd+
dyeu o|r furuauen yn ffrydyeu tan ar ben y pechadu+
ryeit. ac yn|y dyd hỽnnỽ. y|dyrcheif gỽiryon y penn.
| « p 10r | p 11r » |