LlGC Llsgr. Peniarth 18 – tudalen 14v
Brut y Tywysogion
14v
hoỽel y|vraỽt attaỽ yr hoỽel hỽnnỽ a uuassei yg+
harchar ernỽlf vab rosser Jarll castell baltỽin
yr hỽnn y rodassei wylym vrenhin idaỽ kyfran
o|gyfoeth rys ap teudỽr. Ac yn|y diỽed y diagh+
assei yr hoỽel hỽnnỽ yn anafus gỽedy try+
chu y aelodeu o|r carchar. ac yna yd|aruollet
ỽyntỽy ac ereill gyt ac ỽynt yn hegar y
gan gruffud vab kynnan. Ac y|ghyfrỽg hy+
nny gỽedy clybot o|r brenhin mynet gruffud
ap rys at gruffud vab kynan. anuon kenh+
adeu a|ỽnaeth at gruffud vab kynan y|erchi
idaỽ dyuot attaỽ. ac vuyd vu ruffud y uyn+
et attaỽ. ac megys y|mae moes y ffreinc tỽyllaỽ
dynyon drỽy edeỽidỽion adaỽ llaỽer a|oruc henri
vrenhin idaỽ o|chymerei arnaỽ daly gruffud vab rys
a|e anuon yn vyỽ attaỽ. ac ony allei y|daly y|lad ac
anuon y benn idaỽ. Ac ynteu drỽy adaỽ hynny
a|a*|ymhoelaỽd y|wlat. ac yn|y lle gofyn a|oruc pa le
yd oed gruffud vab Rys yn trigyaỽ. a menegi a|ỽ+
naethpỽyt y ruffud vab rys dyuot gruffud vab kyn+
an o|lys y|brenhin. a|e geissaỽ ynteu yn|y ewyll+
us. Ac yna y|dyỽat rei ỽrthaỽ a oedynt yn tri+
gyaỽ gyt ac ef drỽy eỽyllus da. gochel y kyt+
rycholder yny ỽyppych py fford y kerdo y whe+
dleu. ac ỽynt yn dyỽedut hynny nachaf vn yn
dyuot ac yn dyỽedut llyma varchogyon yn dy+
| « p 14r | p 15r » |