LlGC Llsgr. Peniarth 18 – tudalen 42v
Brut y Tywysogion
42v
chescob iorc eistedua y gadeir o|r tu deheu yr cardi+
nal. yn|y lle y dylyei ac y|gnottaei archescob keint
eisted. A|thrannoeth pann doethant ger bronn y
cardinal ỽedy amrysson ygỽyd yr holl lys am|y
teilygdodeu y|doeth y|rei o|r tu dracheuen y arches+
cob iorc ac yd|ymhoeldassant* y gadeir yny vyd
gỽegil yr archescob yr llaỽr. Ar gadeir ar|y uchaf.
Ac ỽynteu ar y|draỽs ef gann y sathru a|e traet
A|e ffustaỽ a|e dyrnnev yny uu abreid y|dieghis
yr archescob ynn vyỽ odyno. Y ulỽydyn racỽyn+
eb y llas einaỽn clut. ac y llas morgant ap ma+
redud. Ac yna yd|adeilaỽd yr arglỽyd rys castell
rayadyr gỽy. Yn|y ulỽydyn racỽyneb y|ryuelaỽd
meibon kynan yn erbyn yr arglỽyd rys. Ac yna
y|llas catỽallaỽn. Ac y|dechreuỽyt couent ymana+
chloc gaer llion yr honn a|elỽir deuma.
PEtỽar|vgein mlyned a|chant a mil oed
oet crist pann uu uarỽ alexander bap.
Ac yn|y ol ynteu y deuth lucius yn bap. ac
yna y|bu varỽ adaf escob llann elỽy yn ryt ychen
ac y|cladỽyt ymanachloc osnei. Y ulỽydyn rac+
ỽyneb y|llas randỽlff depoyr. a|llaỽer o varchogy+
on ygyt ac ef y|gann ieuegtit caer ỽynt. Y|ulỽy+
dyn racỽyneb y|bu uarỽ henri urenhin lloegyr
yr ieuhaf. Ac y|bu uarỽ ricart archescop keint.
Y|ulỽydyn racỽyneb y bu uarỽ ryderch abat y|ty
| « p 42r | p 43r » |