LlGC Llsgr. Peniarth 32 (Y Llyfr Teg) – tudalen 19
Llyfr Iorwerth
19
ac ygyt ac ef y kynydyon. Y letty yỽ yr odyn.
Y ankỽyn yỽ tri|chorneit o|lynn. a seic. vn o|r
corneideu y gan y brenhin. a|r ỻaỻ y gan y vrenhines.
a|r trydyd y gan y penteulu. Ef a|dyly traean
dirỽy y kynydyon. ac amobyr eu merchet. ef
a dyly pedeir ar|hugeint y gan bop vn o|r yd es+
sỽyd idaỽ. Ef a dyly o|r nadolyc hyt vis
chwefraỽr bot ygyt a|r brenhin. pan vynho. ac o|r
gysseuin wythnos o vis chwefraỽr. ef a dyly
kymryt y gỽn a|e gyrn a|e|gynỻyuaneu a my+
net y hely ewiget. a|e gorn a|dyly bot yn vu+
elyn. a phunt yỽ y wrth*. ac o hynny hyt wyl
Jeuan hanner haf yd hely ewigot. ac yn hynny
o yspeit ny dyly ef wneuthur iaỽn y neb. na+
myn y vn o|e gytsỽydogyon o|r haỽl a vo ar+
naỽ. Rei a dyweit na dyly ef tynghu namyn
o|e gorn a|e gynỻyuaneu. Ef a|dyly croen ych y
gaeaf y wneuthur kynỻyuaneu. a chroen buch
yr haf y|wneuthur curyaneu. Trannoeth gỽe+
dy duỽ gỽyl Jeuan hanner haf. y dyly ef vynet
y hely keirỽ. ac ony cheffir kynn y gyuodi y ar
y wely. a gỽisgaỽ y guryaneu ny|dyly gỽneu+
thur iaỽn y|r neb a|e holo hyt galan gaeaf.
a|chalan gaeaf y mae iaỽn idaỽ vynet y hely
moch coet. ac y|dyly eu hely hyt galan mis ta+
chwed. ac yn|gyhyt a hynny o amser ny dyly
| « p 18 | p 20 » |