LlGC Llsgr. Peniarth 32 (Y Llyfr Teg) – tudalen 22
Llyfr Iorwerth
22
marỽ o|r vedeginyaeth a|wnel ef. ac ony|s|kymer;
talet dros y weithret. Ef a|dyly mynet y|r ỻuydeu.
Ef a|dyly nat el o|r ỻys vyth; onyt gan gennyat
y brenhin. Y werth a|e sarhaet megys y vn o|r rei ereiỻ.
T Rydyd ar|dec yỽ y truỻyat. ef a|dyly y dir
yn ryd a|e varch a|e wisc. Ef a|dyly ran o ary+
ant y gỽynos. Ef a|dyly gỽarchadỽ y vedgeỻ a
chadỽ y cloeu. Ef a dyly yr hỽyl a vo ar y gerỽyn
ved. neu bedeir keinyaỽc ar dewis perchennaỽc
y med. Ef a dyly gỽiraỽt o bop gỽled o|r y bo med
arnei. Ef a|dyly diwaỻu y vedgeỻ ac a vo yndi.
Messur gỽiraỽt kyfreith yỽ ỻoneit y ỻestri y
gỽaỻofyer yndunt o gỽryf. ac eu hanner o|r
bragaỽt. ac eu traean o|r|med. Ef a|dyly bỽyta y+
gyt a|r sỽydwyr. Y letty yỽ y·gyt a|r|distein. Y na ̷+
ỽd yỽ o|r pan dechreuho rodi y ỻestri yn|y ỻynn
yny darffo y gyuedach. y nos honno dỽyn y
dyn a wnel y kam. Ef a|dyly y oleuat yn diues+
sur y|gan y distein. ỽrth y wassanaeth. Y sarha+
et yỽ chỽe|bu a chweugeint aryant. Y werth yỽ
chwe|bu a chỽeugein|mu gan y ardrychafel.
P Edweryd ar|dec yỽ y|dryssaỽr. ef a|dyly
y dir yn ryd. a|e varch a|e wisc megys y
ỻeiỻ. Ef a|dyly rann o aryant y gỽynos. Ef a|dy+
ly y gỽiraỽt kyfreith. Ef a|dyly arwein pob neges o|r
a|dywetter ỽrthaỽ o|r porth hyt y neuad. neu
| « p 21 | p 23 » |